ا ق ش مۇحيت ورتاسىنداعى اۋەجايدى جاڭارتۋعا 100 ميلليون دوللاردان استام قارجى جۇمساماق
استانا. kazinform–ا ق ش بيلىگى تىنىق مۇحيتىنىڭ ورتاسىنداعى ميدۋەي اتوللىندا ورنالاسقان اۋەجايدى جاڭارتۋعا 100ميلليون دوللاردان استام قاراجات جۇمساۋدى جوسپارلاپ وتىر، دەپ حابارلايدى BILD.
ميدۋەيگە تۇراقتى جولاۋشىلار رەيسى قاتىنامايدى، ۇشاقتار دامۇندا وتە سيرەك قونادى. ا ق ش فەدەرالدىق اۆياتسيا باسقارماسىنىڭ (FAA) مالىمەتىنشە، 2003-2021-جىلدار ارالىعىندا اتوللعا بار بولعانى 11 ازاماتتىق جانە اسكەري اۋە كەمەسى باعىتتالعان.
سوعان قاراماستان ۇزىندىعى شامامەن 2,4 شاقىرىم بولاتىن ۇشۋ-قونۋ جولاعى الداعى جىلدارى كۇردەلى جوندەۋدى قاجەت ەتەدى.
اۋەجاي ەڭ الدىمەن تىنىق مۇحيتى ارقىلى جۇزەگە اساتىن ۇشۋلاردىڭ قاۋىپسىزدىگىن قامتاماسىز ەتۋ ءۇشىن ساقتالىپ وتىر. ميدۋەي جىل سايىن جوسپارلاناتىن ونداعان مىڭ رەيس ءۇشىن قوسالقى اۋەجاي رەتىندە پايدالانىلادى. ۇشاقتا تەحنيكالىق اقاۋ پايدا بولعان جاعدايدا ەكيپاج ونى وسى جەرگە قوندىرا الادى.
ەگەر اۋەجاي قاجەتتى سەرتيفيكاتىنان ايىرىلسا، اۋە كومپانيالارى رەيستەردىڭ ءبىر بولىگىن بۇدان داالىستاعى قوسالقى اۋەجايلاردى ەسكەرە وتىرىپ جوسپارلاۋعا ءماجبۇر بولادى. بۇل ۇشۋ ۋاقىتى مەن جانارماي شىعىنىنىڭ ارتۋىنا اكەلۋى مۇمكىن.
قازىر اۋەجايدى ەڭ تومەنگى جۇمىس جاعدايىندا ۇستاۋعا جىل سايىن شامامەن 5,1ميلليون دوللار بولىنەدى. الايدا FAA بۇل قاراجاتتىڭ جەتكىلىكسىز ەكەنىن ەسكەرتەدى.
جوسپارلانعان 100ميلليون دوللاردان استام قاراجات ۇشۋ-قونۋ جولاعىنىڭ جابىندىسىن جاڭارتۋعا جانە جاعالاۋدى قورعايتىن بوگەتتى جوندەۋگە قاجەت.
ايتا كەتەيىك، دونالد ترامپ اقش پەن دانيا گرەنلاندياعا قاتىستى ورتاق كەلىسىمگە كەلگەنىن ايتتى.
