ا ق ش فەدەرالدىق قور جۇيەسى پايىزدىق مولشەرلەمەنى وزگەرىسسىز قالدىردى

استانا. KAZINFORM - ا ق ش- تىڭ فەدەرالدىق رەزەرۆتىك جۇيەسى (ف ق ج) مولشەرلەمەنى 4,25-4,50 پايىز دەڭگەيىندە قالدىردى.

АҚШ Федерал захира тизими фоиз ставкаcини ўзгаришсиз қолдирди
Фото: Freepik

ف ق ج مالىمدەمەسىنە سايكەس، سوڭعى دەرەكتەر ەكونوميكالىق بەلسەندىلىكتىڭ تۇراقتى تۇردە ءوسىپ كەلە جاتقانىن كورسەتتى. سونداي-اق سوڭعى ايلاردا جۇمىسسىزدىق تومەندەپ كەلەدى، ال ەڭبەك نارىعىنداعى جاعداي تۇراقتى.

ينفلياتسيا ازداپ جوعارىلاعان، دەلىنگەن حابارلامادا.

- كوميتەت (ا ق ش فەدەرالدىق قور جۇيەسىنىڭ فەدەرالدىق اشىق نارىق كوميتەتى) ۇزاق مەرزىمدى پەرسپەكتيۆادا ماكسيمالدى جۇمىسباستىلىققا جانە %2 ينفلياتسيا دەڭگەيىنە جەتۋدى ماقسات ەتىپ وتىر. كوميتەت بۇل ماقساتتارعا قول جەتكىزۋدەگى تاۋەكەلدەر جالپى العاندا تەڭدەستىرىلگەن دەپ سانايدى. بۇل رەتتە ەكونوميكالىق بولجام بەلگىسىز بولىپ قالىپ وتىر، - دەلىنگەن ا ق ش فەدەرالدى قور جۇيەسىنىڭ مالىمدەمەسىندە.

كوميتەت ءوز ماقساتتارىن قولداۋ ءۇشىن فەدەرالدىق قورلار مولشەرلەمەسىنىڭ ماقساتتى دياپازونىن %4,25 دان %4,5 عا دەيىن ساقتاۋعا شەشىم قابىلدادى.

وسىعان دەيىن ا ق ش تاراپىنان قابىلدانىپ وتىرعان شەشىمدەردىڭ وزگە ەلدەرگە اسەرى جونىندە ساراپتامالىق ماتەريال جاريالاندى.

 

سوڭعى جاڭالىقتار