ا ق ش ازاماتى اتا-اناسىنىڭ 80 جىل بۇرىنعى قۇجاتتارىن قازاقستاننان تاۋىپ الدى
ا ق ش ازاماتى اتا- اناسىنىڭ 80 جىل بۇرىنعى قۇجاتتارىن قازاقستاننان تاۋىپ الدى، - دەپ حابارلايدى Polisia.kz.
ا ق ش ازاماتىنا تۋىستارى تۋرالى اقپاراتتى ىزدەۋگە پوليتسيا كومەكتەستى. قازاقستانعا كەلگەن ەرلى- زايىپتى اتا- اناسى عۇمىر كەشكەن قازاق جەرىنە جانە اعاسى جەرلەنگەن زيراتقا بارىپ تاعزىم ەتتى.
امەريكالىق دجەفف شاينگولد قىزىلوردا وبلىسىنىڭ پوليتسيا دەپارتامەنتىنە اكەسى تۋرالى مالىمەت سۇراپ جۇگىندى. ونىڭ اكەسى - ۇلتى يەۆرەي، تەرەڭوزەك اۋدانىندا تۇرعان (قازىرگى سىرداريا) جانە 1943 -جىلى قۋعىن- سۇرگىن كەزىندە قاماۋعا الىنعان. پوليتسيا مۇراعاتىندا ۇلىنىڭ ءوتىنىشى بويىنشا جان-جاقتى ىزدەۋ جۇمىستارى جۇرگىزىلدى.
"2022 -جىلى اتا- انامنىڭ 1942 -جىلى قازاقستاندا ۇلى وتان سوعىسى كەزىندە تۇرعانىن ءبىلدىم. ولار پولشادان ناتسيستەردەن قاشقان. بىزدە سوت حاتتاماسىنان باسقا مالىمەتتەر بولعان جوق. ىزدەۋ ناتيجەسىندە مۇراعاتتا 80 جىلعا جۋىق ساقتالعان قۇجاتتار تابىلدى. ولار مەنىڭ اتا- انام مەن №6 اۋىلدا جەرلەنگەن اعاما قاتىستى قۇجاتتار. پوليتسەيلەردىڭ ارقاسىندا ءبىز ولاردىڭ 1942-جىلدان 1946 -جىلعا دەيىن ومىرلەرىنەن ءبىرشاما ماعلۇمات الدىق"، - دەيدى دجەفف شاينگولد.
قازاقستانعا كەلگەن شەتەلدىك ەرلى-زايىپتى اتا-اناسى عۇمىر كەشكەن قازاق جەرىنە جانە اعاسى جەرلەنگەن زيراتقا بارىپ، تاعزىم ەتتى. ولار اتا اناسىنىڭ قىمبات بەينەسىن جادىندا ساقتاۋ ءۇشىن ەستەلىكتەرىمەن ءبولىستى.
ايتا كەتۋ كەرەك، وبلىستىق پوليتسيا دەپارتامەنتىنىڭ مۇراعاتىندا 30 مىڭنان استام قۇجات ساقتالعان. بۇل قۇجاتتار تۋىستارىنىڭ تاعدىرى تۋرالى مالىمەت ىزدەگەن ءجۇز مىڭداعان ادامدارعا، سونىمەن قاتار تاريحي اقپاراتتى تولىعىمەن قالپىنا كەلتىرۋ ءۇشىن عالىمدار، جۋرناليستەر مەن تاريحشىلار ءۇشىن وتە ماڭىزدى. ارنايى مۇراعاتتىڭ الەۋمەتتىك- ساياسي ماڭىزدىلىعى تەك قازاقستاننىڭ عانا ەمەس، شەتەل ازاماتتارىنىڭ حاتتارىندا دا اتاپ كورسەتىلگەن.
