ا ق ش ازاماتتارىن ليۆاننان ەۆاكۋاتسيالاۋعا دايىندالىپ جاتىر
استانا. KAZINFORM - ا ق ش يزرايل مەن ليۆاننىڭ حەزبوللا قوزعالىسى اراسىنداعى قاقتىعىس كۇشەيگەن جاعدايدا امەريكالىقتاردى ليۆاننان ەۆاكۋاتسيالاۋعا دايىن. ا ق ش بيلىگى يزرايل الداعى اپتادا ليۆاندا اۋە جانە جەر ءۇستى شابۋىلىن باستايدى دەپ الاڭداپ وتىر.
پەنتاگون اسكەريلەردى ليۆانعا جاقىنداتادى
كەيىنگى اپتادا يزرايل مەن حەزبوللا اراسىنداعى قاقتىعىس ايتارلىقتاي كۇشەيىپ، پەنتاگون ا ق ش- تىڭ اسكەري اكتيۆتەرىن يزرايل مەن ليۆانعا جاقىنداتىپ، ءوز ازاماتتارىن ليۆاننان ەۆاكۋاتسيالاۋعا دايىن بولدى. بۇل تۋرالى NBC News ا ق ش قورعانىس مينيسترلىگىنىڭ 3 وكىلىنە جانە ۆەدومستۆونىڭ جوسپارلارىمەن تانىس بۇرىنعى امەريكالىق شەنەۋنىككە سىلتەمە جاساپ حابارلادى.
26-ماۋسىمدا ا ق ش اسكەري-تەڭىز كۇشتەرىنىڭ USS Wasp كەمەسى بورتىندا 24-ەكسپەديتسيالىق وتريادتىڭ تەڭىز جاياۋ اسكەرلەرىمەن بىرگە جەرورتا تەڭىزىنە كىردى. ول USS Oak Hill dock جانە USS New-York كەمەسىنە قوسىلادى.
ءۇش اسكەري كەمە بىرىگىپ، 2000 ساربازدان تۇراتىن دەسانتقا دايىندىق توبىن قۇرايدى. ولار كوپتەگەن مىندەتتى ورىنداي الادى، سونىڭ ىشىندە امەريكالىق ازاماتتاردى قاقتىعىس ايماقتارىنان ەۆاكۋاتسيالايدى.
ا ق ش بيلىگى يزرايل الداعى اپتالاردا اۋە شابۋىلدارىن جاساپ، ليۆانعا قۇرلىق شابۋىلىن باستايدى دەپ الاڭداي باستادى.
كەمە ارنايى وپەراتسيالاردى جۇرگىزۋگە قابىلەتتى جانە ول تەڭىز جاياۋ اسكەرلەرىمەن بىرگە اسكەري كۇش كورسەتۋگە جانە ايماقتىق شيەلەنىستى تەجەۋگە ارنالعان. USS Wasp اسكەري كومەككە جانە باسقا ميسسيالارعا دايىن بولۋ ءۇشىن جەرورتا تەڭىزىنىڭ شىعىسىندا جۇمىس ىستەيدى دەپ كۇتىلۋدە.
پەنتاگون شەنەۋنىكتەرىنىڭ ايتۋىنشا، امەريكالىق شەنەۋنىكتەر وداقتاستارمەن ەۆاكۋاتسيانى جانە باسقا دا اسكەري وپەراتسيالاردى ۇيلەستىرۋ تۋرالى كەلىسسوزدەر جۇرگىزۋدە.
مۇنداي ۇندەۋ ءيزرايلدىڭ قورعانىس ءمينيسترى يواۆ گاللانت ۆاشينگتونعا ساپارى كەزىندە يزرايل ليۆاندى حەزبوللامەن سوعىستا «تاس داۋىرىنە ورالۋعا» جىبەرە الاتىنىن ەسكەرتكەننەن كەيىن پايدا بولدى، دەگەنمەن ول ديپلوماتيالىق شەشىم قولايلى ەكەنىن باسا ايتتى.
يزرايل حەزبوللانى شەكارادان الىستاتۋعا تىرىسادى جانە قاقتىعىستى ديپلوماتيالىق جولمەن شەشۋدى تالاپ ەتەدى. ءبىراق ەگەر بۇل جوسپار ورىندالماسا، يزرايل قورعانىس ارمياسى كۇش قولدانۋعا دايىن ەكەنىن ايتتى.
يزرايل مەن «حەزبوللا» كۇن سايىن شەكارالاس اۋداندارعا وق جاۋدىرادى. Financial Times گازەتىنىڭ حابارلاۋىنشا، اەروفوتوسۋرەتتەردەن الىنعان مالىمەتتەرگە سۇيەنە وتىرىپ، كۇندەلىكتى شابۋىلدار يزرايل شەكاراسى بويىمەن شامامەن 5 شاقىرىمدىق «ءولى ايماقتى» قۇردى.
