اڭ اۋلاۋعا شىققان ميلليونەردى پىلدەر تاپتاپ، مەرت قىلدى

امەريكالىق ميلليونەر ەرني دوزيو گابوندا اڭ اۋلاۋ كەزىندە قازا تاپتى. ول سيرەك كەزدەسەتىن ورمان بوكەنى مەن ەرگەجەيلى ورمان ەنەكەسىن اۋلاۋعا شىققان.

Collect Africa مالىمەتىنشە، قايعىلى وقيعا لوپە-وكاندا تروپيكالىق ورمانىندا بولعان.

75 جاستاعى كاسىپكەرمەن بىرگە كاسىبي اڭشى- نۇسقاۋشى بولعان. كەنەت قالىڭ بۇتانىڭ اراسىنان بەس ۇرعاشى ءپىل مەن ءبىر ءپىلدىڭ ءتولى شىعا كەلگەن. ءتولىن قورعاعان جانۋارلار توپقا بىردەن تاپ بەرگەن.

باسىلىمنىڭ جازۋىنشا، كاسىبي اڭشى سوققىدان شەتكە ۇشىپ ءتۇسىپ، اۋىر جاراقات العان. ال دوزيونىڭ قولىندا تەك بوكەن اۋلاۋعا ارنالعان بىتىرالى مىلتىق قالعان. پىلدەر ونى تاپتاپ ولتىرگەن.

مارقۇمنىڭ تانىسىنىڭ ايتۋىنشا، ەرني بالا كۇنىنەن اڭشىلىقپەن اينالىسقان. ونىڭ افريكا مەن ا ق ش- تان جيناعان كوپتەگەن ولجاسى بولعان. تانىسى كوپشىلىك ءىرى اڭ اۋلاۋدى قۇپتامايتىنىن، ءبىراق دوزيونىڭ بارلىق سافاريى ليتسەنزيالانعانىن جانە جانۋارلار سانىن رەتتەۋ ەرەجەلەرى اياسىندا وتكەنىن ايتقان.

مارقۇمنىڭ دەنەسى ا ق ش- تىڭ گابونداعى ەلشىلىگىنىڭ كومەگىمەن كاليفورنياعا جەتكىزىلەدى.

ەرني دوزيو - Pacific AgriLands كومپانياسىنىڭ يەسى. كاسىپورىننىڭ كاليفورنيادا 12 مىڭ اكر اۋماقتى الىپ جاتقان ءجۇزىم القابى بار. سونداي-اق، كومپانيا باسقا جۇزىمدىكتەردى باسقارۋمەن جانە ءونىم جيناۋعا ارنالعان جابدىق جەتكىزۋمەن اينالىسادى.

Massaget.kz