الماتىلىق 9-سىنىپ وقۋشىسىنىڭ شاعىمىنان كەيىن مۇعالىم جۇمىستان شەتتەتىلدى
وقۋشىنىڭ ءدال مەكتەبىنىڭ الدىندا سويلەپ تۇرعان ۆيدەوسى الەۋمەتتىك جەلىدە تاراپ كەتتى.
وسى 133-مەكتەپتە وقيمىن. 1-سىنىپتان بەرى كەلە جاتىرمىن. 5-سىنىپتان باستاپ ءنۇسىپجانوۆا نۇرگۇلدىڭ سىنىبىنا ءتۇستىم. ءنۇسىپجانوۆا نۇرگۇل اپاي وتە قاتىگەز بولدى. ءار ساباق بويى بالاعاتتاۋ، ايعاي بولادى. مەنى كەيىنگى ۋاقىتتا وتە قاتتى جۇلقىلاپ، قابىرعاعا يتەردى. ءار جولى بالالاردى ۇرادى. تىنىش وتىرعان بالالارعا ايعايلايدى، بوقتايدى، بالاعات، نەشە ءتۇرلى سوزدەردى ايتادى.
اتا-اناما ونى بارىپ ايتقاندا، ولار قولدان كەلگەن ءىس-شارانى قولداندى، ءبىراق جوعارى جاقتا وتىرعان ديرەكتور جانە ورىنباسارلارى ءمان بەرگەن جوق. «كەشىرىم بەرە سالىڭىزدار» دەگەن اڭگىمەلەر بولىپ جاتىر. ءبىزدىڭ جانايقايىمىزدى ەشكىم تىڭداپ تۇرعان جوق بۇل جەردە. اتا-انامىز زاڭ بويىنشا جۇگىرىپ ءجۇر. مەنىڭ سوندا قۇقىعىم جوق پا؟! كامەلەت جاسىنا تولماعانمىن. مەنى نە ءۇشىن جۇلقىلايدى؟ كەشە تۇنىمەن اۋرۋحانادا بولدىم. قولىم وتە قاتتى اۋىردى. قولىمدى رەنتگەنگە ءتۇسىردىم، ءبارى بار»، - دەيدى ول.
وقۋشىنىڭ ايتۋىنشا، سوندا دا ءتيىستى ءىس-شارالار قولدانىلماعان، مەكتەپ اكىمشىلىگى سىنىپ جەتەكشىسىن قورعاپ جاتقان كورىنەدى.
ونىكى دۇرىس بولىپ تۇرعان جوق. تاقتاعا شىعارىپ قويىپ بالالارعا ايعايلايدى. نەشە ءتۇرلى اڭگىمەسىن ايتادى. «سەندەرگە، اتا-انالارىڭا قاراعاندا، مەن جەڭەمىن. ءبارىبىر ەشتەڭە ىستەي المايدى. قولدارىنان تۇك كەلمەيدى» دەگەن دە اڭگىمەسى بولدى اراسىندا. سىنىپ جەتەكشىمنەن وتە قاتتى ءزابىر كوردىم. «اقىماق»، «تۋپوي» دەگەن دە اڭگىمەلەر ايتىلعان بولاتىن. ۇلدارعا «قاتىن»، «گولۋبوي» دەگەن سوزدەر ايتىلادى…
مەنىڭ سىڭارىمدى دا ۇرعان. مەن مۇنى اتا-اناما ايتتىم. ديرەكتورعا كىردىك، كەشەلى بەرى ءبىز جۇگىرىپ جاتىرمىز، ءبىراق ديرەكتور بىزگە ءمان بەرمەيدى. ولار «كەشىرىم بەرە سالىڭىزدار، نە بولدى سونشا؟» دەگەن اڭگىمەلەردى ايتىپ جاتىر»، - دەيدى وقۋشى.
ايتۋىنشا، سىنىپ جەتەكشىسى وعان «سەنى كىم قورعايدى؟»، «سەن كىمگە كەرەكسىڭ؟» دەيتىن كورىنەدى. سوندىقتان وقۋشى مەن اتا-اناسى وعان كەشىرىم بەرمەۋگە بەل بۋعان.
№133-مەكتەپ- گيمنازياسى 9-سىنىپ وقۋشىسىنىڭ الەۋمەتتىك جەلىدە جاريالاعان بۇل ۆيدەوسىنا قاتىستى الماتى قالاسىنىڭ ءبىلىم باسقارماسى تۇسىنىك بەردى.
ۆەدومستۆونىڭ حابارلاۋىنشا، مۇعالىم سىنىپ جەتەكشىسى قىزمەتىن اتقارۋدان ۋاقىتشا شەتتەتىلگەن.
«سونداي-اق 16-مامىردا بۇل ماسەلەنى اۋەزوۆ اۋدانى اكىمدىگى جانىنداعى كامەلەتكە تولماعانداردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ وتىرىسىندا قاراۋ جوسپارلانىپ وتىر. بۇل ماسەلە الماتى قالاسى ءبىلىم باسقارماسىنىڭ باقىلاۋىندا»، - دەپ حابارلادى ۆەدومستۆونىڭ باسپا ءسوز قىزمەتى.
وتاندىق بلوگەر «Tyuzeze» الماتى قالاسى №133-ورتا مەكتەبىندەگى وقيعانىڭ ءمان-جايىن تەكسەرىپ بىلگەنىن مالىمدەدى. ايتۋىنشا، وقۋشىنىڭ ءسوزى جالعان بولىپ شىققان.