بىلتىر دا وسىلاي جازالانعان: س ق و- دا 9-مامىردا كولىگىنە جاپسىرما جاپسىرىپ جۇرگەن ادام سوتتالدى
پەتروپاۆل قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان سوتى 12-مامىردا قازاقستان رەسپۋبليكاسى ا ق ب ت ك-نىڭ 667-بابىنىڭ 2-بولىگىنە سايكەس - ءبىر جىل ىشىندە قايتا قۇقىق قورعاۋ ورگانى قىزمەتكەرىنىڭ زاڭدى وكىمىنە نەمەسە تالابىنا باعىنباۋ بويىنشا ك.-عا قاتىستى اكىمشىلىك قۇقىق بۇزۋشىلىق تۋرالى ءىستى قاراپ، سوت ونى كىنالى دەپ تانىدى. ەر ادام 20 تاۋلىككە اكىمشىلىك قاماققا الۋ تۇرىندەگى اكىمشىلىك جازاعا تارتىلدى.
9-مامىر كۇنى ساعات 12.45-تە پەتروپاۆلداعى «زاپادنىي» باقىلاۋ-وتكىزۋ بەكەتىنىڭ ماڭىندا مامليۋتسكوە تاس جولىنىڭ بويىندا ك. -نى اۆتوپاترۋل توقتاتقان. ودان پوليتسيا قىزمەتكەرى قوزعالىس كەزىندە كورىنىسكە كەدەرگى كەلتىرۋىنە بايلانىستى، اۆتوكولىگىنىڭ الدىڭعى ءبۇيىر تەرەزەلەرىنە جاپسىرىلعان جۇلدىز جانە ۇشاق سۋرەتتەرىن شەشۋدى تالاپ ەتكەن. الايدا جۇرگىزۋشى قۇقىق قورعاۋ ورگانى قىزمەتكەرىنىڭ زاڭدى تالابىن ورىنداماعان.
وسىدان ءبىر جىل بۇرىن، 2022 -جىلدىڭ 9-مامىرىندا ك. ءدال وسىلايشا پوليتسەيلەردىڭ تالابىن ورىنداماي اكىمشىلىك جاۋاپكەرشىلىككە تارتىلىپ، وعان اكىمشىلىك قاماققا الۋ تۇرىندە جازا شاراسى قولدانىلعان.
ق ر ا ق ب ت ك-نىڭ 667-بابىنىڭ 2-بولىگىنىڭ سانكتسياسىنىڭ بالاماسى جوق جانە 15 تاۋلىكتەن 20 تاۋلىككە دەيىنگى مەرزىمگە اكىمشىلىك قاماققا الۋدى كوزدەيدى.
سوت قاۋلىسى زاڭدى كۇشىنە ەنگەن جوق.