پەتروپاۆلدا 9-سىنىپ وقۋشىسى مەكتەپكە قارۋلانىپ كەلىپ، بىرنەشە بالانى جاراقاتتادى
پەتروپاۆل قالالىق اكىمدىگىنىڭ مالىمەتىنشە، وقىس وقيعا بۇگىن تاڭەرتەڭ پەتروپاۆلداعى №4-ورتا مەكتەپتە ساعات 7.50 مينۋت كەتكەندە بولعان. وسى وقۋ ورداسىنىڭ 9-سىنىپ وقۋشىسى سومكەسىنە تىعىپ، وزىمەن بىرگە اس ۇيدە قولدانىلاتىن بالتا مەن پىشاقتى الا كەلگەن.
ول 3 وقۋشىنى جاراقاتتادى. قازىر ەكى بالا وبلىستىق بالالار اۋرۋحاناسىندا جاتىر. ولار باسىنان جانە يىعىنان جاراقات العان. ءۇشىنشى بالاعا وقيعا ورنىندا مەديتسينالىق كومەك كورسەتىلدى.
قازىرگى ۋاقىتتا №4-ورتا مەكتەپتە پوليتسيانىڭ تەرگەۋ توبى جۇمىس ىستەپ جاتىر.
رەسمي ەمەس اقپاراتقا سۇيەنسەك، مەكتەپكە قارۋلانىپ كەلگەن بالا پسيحياتريالىق ەسەپتە تۇر.
ال مەكتەپتە مامانداندىرىلعان كۇزەت قىزمەتى بولماعان.
ايتا كەتەيىك، مەكتەپكە قارۋلانىپ كەلىپ، بالالاردى جاراقاتتاعان وقۋشى پسيحياتريالىق ەسەپتە تۇرعان.
پەتروپاۆلدا 3 وقۋشىنى پىشاق، بالتامەن جاراقاتتاعان 9-سىنىپ وقۋشىسى ۇستالدى. «ادام ولتىرۋگە وقتالۋ» بويىنشا سوتقا دەيىنگى تەرگەۋ باستالدى، دەپ حابارلايدى قازاقپارات ءتىلشىسى.
سولتۇستىك قازاقستان وبلىستىق ءبىلىم باسقارماسىنىڭ باسشىسى ءنازىر جاشىبەكوۆتىڭ ايتۋىنشا، 9-سىنىپ وقۋشىسى الدىن الا بولجام بويىنشا، مەكتەپكە بالتا مەن پىشاقتى سومكەسىنە جاسىرىپ اكەلگەن.
«ەشكىم وقۋشىنىڭ سومكەسىن تەكسەرە المايدى، قۇقى جوق. كەيىن دارەتحاناعا كىرىپ، ودان قارۋلانىپ شىققان. زارداپ شەككەندەر 9- جانە 10-سىنىپ وقۋشىلارى. ەكى ۇل جانە ءبىر قىز بالا.
ەكى بالانىڭ جاعدايى قالىپتى، وبلىستىق بالالار اۋرۋحاناسىندا جاتىر»، - دەيدى ءنازىر جاشىبەكوۆ.
س ق و پروكۋراتۋراسى جانە پوليتسيا دەپارتامەنتى وسى وقىس وقيعاعا قاتىستى تۇسىنىك بەردى.
«13-اقپان كۇنى پەتروپاۆلداعى 4-ورتا مەكتەپتە 9-سىنىپ وقۋشىسى وسى ءبىلىم ورداسىنىڭ ءۇش وقۋشىسىنا دەنە جاراقاتىن سالدى. بالالار امان، وبلىستىق بالالار اۋرۋحاناسىنا جەتكىزىلدى، ەسىن بىلەدى.
كامەلەتكە تولماعان د. -نى پوليتسيا قىزمەتكەرلەرى ۇستادى. وسى دەرەككە قاتىستى «ادام ولتىرۋگە وقتالۋ» بويىنشا سوتقا دەيىنگى تەرگەۋ باستالدى.
الدىن الا مالىمەت بويىنشا، كامەلەت جاسىنا تولماعان د. پسيحياتريالىق ەسەپتە تۇر.
جاس ءوسپىرىمنىڭ جانە مەكتەپ اكىمشىلىگىنىڭ ارەكەتىنە سوتقا دەيىنگى تەرگەۋ بارىسىندا قۇقىقتىق باعا بەرىلەتىن بولادى. قالعان ءمان-جاي انىقتالىپ جاتىر»، - دەلىنگەن حابارلامادا.
بۇعان دەيىن پەتروپاۆلداعى 4-ورتا مەكتەپتە 9-سىنىپ وقۋشىسىنىڭ مەكتەپكە بالتا مەن پىشاق اكەلىپ، ءۇش بالانى جارالاعانى تۋرالى ايتقان ەدىك.