كەدەندەگى 9 جول بەكەتى جاڭارتىلادى

None
استانا. قازاقپارات - قارجى مينيسترلىگى كەدەندەگى 9 جول بەكەتى مەن 1 تەمىرجول بەكەتىن جاڭارتۋدى جوسپارلاپ وتىر، دەپ حابارلايدى قازاقپارات ءتىلشىسى.

بۇل تۋرالى مينيستر ەرۇلان جاماۋبايەۆ ۆەدومستۆونىڭ كەڭەيتىلگەن القا ماجىلىسىندە ايتتى.

«كەدەندەگى ينفراقۇرىلىمدى جاڭعىرتۋ باعىتىندا 9 اۆتوموبيل جانە ءبىر تەمىرجول وتكىزۋ پۋنكتىن جاڭعىرتۋ جوسپاردا بار»، - دەدى ەرۇلان جاماۋبايەۆ.

مينيستر جوبانىڭ قۇنى 149 ميلليارد تەڭگە بولاتىنىن اتاپ ءوتتى. سول ماقساتپەن قازاقستان جانە قىتاي ۇكىمەتتەرى اراسىندا جەڭىلدىكپەن نەسيە بەرۋ تۋرالى نەگىزدەمەلىك كەلىسىمگە قول قويىلعان كورىنەدى.

«اتالعان 9 نىسان بويىنشا قۇرىلىس-مونتاجداۋ جانە جۇمىلدىرۋ جۇمىستارى باستالدى. جوبانىڭ ارقاسنىدا بەكەتتەردىڭ كولىك وتكىزۋ قابىلەتىن 8 ەسەگە دەيىن ارتتىرۋعا جانە ءوتۋ ۋاقىتىن قىسقارتۋعا بولادى»، - دەدى مينيستر.

سوڭعى جاڭالىقتار