20:22, 18 - قازان 2022 | GMT +5
قازاقستاندىق ساداقشىلار باتۋميدەگى تۋرنيردە 9 مەدال جەڭىپ الدى
باتۋمي. قازاقپارات - باتۋميدە (گرۋزيا) ساداق اتۋدان وتكەن حالىقارالىق تۋرنيردە قازاقستان قۇراماسى ءساتتى ونەر كورسەتتى، دەپ حابارلايدى قازاقپارات ق ر ۇلتتىق وليمپيادا كوميتەتىنە سىلتەمە جاساپ.
التىن مەدالداردى بۋنەد ميرزاماتوۆ، ادەل جەكسەنبينوۆا (بلوكتى ساداقتان اتۋ)، يلفات ابدۋللين (كلاسسيكالىق ساداق) جەڭىپ الدى. قازاقستان كوماندالىق جارىستاردا تۇعىردىڭ ءبىرىنشى ساتىسىنا ءۇش رەت كوتەرىلدى (بلوكتى ساداق (ميكس)، كلاسسيكالىق ساداق (ميكس جانە ەرلەر كومانداسى).
كلاسسيكالىق ساداقتان اتۋدان سانجار مۇسايەۆ ەكىنشى بولدى. سونداي- اق كوماندالار اراسىنداعى جارىستاردا قازاقستان ەكى قولا مەدالعا يە بولدى: ەرلەر مەن ايەلدەر كوماندالارى اراسىندا.
