د د ۇ: سوڭعى اپتادا الەم ەلدەرىندە ك ۆ ي جۇقتىرعاندار سانى 9 پايىزعا ازايدى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) مالىمەتىنشە، وتكەن اپتادا 6,5 ميلليوننان استام ادام كوروناۆيرۋس جۇقتىرىپ، 14 مىڭ ادام كوز جۇمعان.

بۇل كورسەتكىش الدىڭعى اپتامەن سالىستىرعاندا %9- عا از. الايدا قازاقستاندا سوڭعى 2 اپتادا كوروناۆيرۋستىڭ تارالۋ قارقىنى 3,2 ەسەگە وسكەنى بايقالادى.

الەمدەگى جانە قازاقستانداعى ەپيدەميولوگيالىق جاعداي تۋرالى قازاقپارات ساراپشىسىنىڭ ماتەريالىنان وقي الاسىزدار.

دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە، الەمدە كوروناۆيرۋستان قايتىس بولعاندار كورسەتكىشى %3 عا قىسقارعان.

ناقتىراق ايتقاندا، ۆيرۋس جۇقتىرعاندار سانىنىڭ ءوسۋى باتىس تىنىق مۇحيتى ايماعىندا جانە افريكادا بايقالادى. ال اۋرۋدى جۇقتىرعاندار ەۋروپادا جانە شىعىس جەرورتا تەڭىزىندە ايتارلىقتاي تومەندەگەن.

ءولىم-ءجىتىمنىڭ ەداۋىر ءوسىمى باتىس تىنىق مۇحيتى ايماعىندا، شىعىس جەرورتا تەڭىزىندە جانە وڭتۇستىك-شىعىس ازيادا انىقتالعان.

ال ەۋروپادا اۋرۋ كورسەتكىشى ازايىپ وتىر. سوڭعى ءبىر اپتادا ەڭ كوپ اۋرۋ جۇقتىرعاندار جاپونيادا تىركەلگەن. ولاردىڭ سانى 1379099 ادامدى قۇرايدى. ال ا ق ش- تا - 923366 ادام، كورەيا رەسپۋبليكاسىندا - 564437 ادام، گەرمانيادا - 459724 جانە يتاليادا - 394583 ادام ۆيرۋس جۇقتىرعان.

3- تامىزداعى جاعداي بويىنشا، دۇنيەجۇزىلىك دەنساۋلىق ساقتاۋ ۇيىمىنا پاندەميا باستالعالى 557018226 ادامنىڭ كوروناۆيرۋس جۇقتىرعانى جانە 6401046 ادامنىڭ قايتىس بولعانى حابارلانعان.

تومەندە كورسەتىلگەن كەستەدەن الەم بويىنشا سوڭعى اپتادا حابارلاعان 100000 تۇرعىنعا شاققانداعى COVID-19 وقيعالارىمەن تولىعىراق تانىسا الاسىزدار.

ەۋروپا ايماعىندا اپتا سايىن 1,9 ميلليوننان استام جاڭا جاعداي تىركەلەدى. ءبىر اي بۇرىن وميكروننىڭ جاڭا شتامدارىنىڭ تارالۋىنا بايلانىستى جاعدايلاردىڭ كۇرت ءوسۋى بايقالدى. الايدا سوڭعى اپتادا ۆيرۋس جۇقتىرعاندار سانى %35 عا تومەندەگەن. ءولىم كورسەتكىشى دە %26 عا ازايعان.

الايدا گەرمانيادا ىندەت جۇقتىرعانداردىڭ كورسەتكىشى ءالى دە جوعارى. بۇل ەلدە كۇن سايىن 80 مىڭنان استام ادامعا كوروناۆيرۋس دياگنوزى قويىلادى.

د د ۇ مالىمەتتەرى بويىنشا، سوڭعى اپتادا اۋرۋدىڭ ءوسىمى الەمنىڭ 69 ەلىندە بايقالىپ وتىر. رەسەيدە اۋرۋ %68 عا، ۆەنگريادا %40 عا وسكەن.

باتىس تىنىق مۇحيتى ايماعىندا جۇقتىرعاندار سانىنىڭ %20 عا جانە افريكادا %5 عا ءوسۋى بايقالعان. سونىمەن قاتار باتىس تىنىق مۇحيتى ايماعىندا ءولىم-ءجىتىم جاعدايى %44 عا، وڭتۇستىك - شىعىس ازيادا - %20 عا ارتقانى تىركەلگەن.

سونىمەن قوسا تۇركيادا سوڭعى ءبىر اپتا ىشىندە ينفەكتسيانىڭ تارالۋ قارقىنى بىردەن 1,5 ەسەگە وسكەن.

سوڭعى كۇندەرى 50 مىڭنان استام ۆيرۋس جۇقتىرعاندار تىركەلگەنى بەلگىلى بولعان.

ەلىمىزدەگى ەپيدجاعداي قازاقستاندا كوروناۆيرۋس ينفەكتسياسىن جۇقتىرعاندار سانى 1362647 گە جەتتى. وتكەن تاۋلىكتە كوروناۆيرۋس ينفەكتسياسى 2579 ادامنان انىقتالعان. بالالار اراسىنداعى كوروناۆيرۋس جاعدايلارى 4- تامىز كۇنى ورتالىق كوممۋنيكاتسيالار قىزمەتىندە وتكەن باسپا ءسوز ماجىلىسىندە ق ر دەنساۋلىق ساقتاۋ ءمينيسترى اجار عينيات قازىر ەلىمىزدە 400 دەن استام بالا كوروناۆيرۋسپەن اۋىرىپ جاتقانىن مالىمدەدى.