13:10, 20 - شىلدە 2022 | GMT +5
قازاقستاندا 9 مىڭعا جۋىق ازاماتتىعى جوق ادام انىقتالدى
نۇر-سۇلتان. قازاقپارات - قازاقستاندا سوڭعى ەكى جىلدا توعىز مىڭعا جۋىق ازاماتتىعى جوق ادام انىقتالدى، - دەپ حابارلايدى حابار 24 ارناسى.
ولاردى انىقتاۋ جۇمىستارى حالىقارالىق قۇجاتتاما ناۋقانى اياسىندا جۇرگىزىلدى.
ۇ ە ۇ، كوشى-قون قىزمەتى جانە ادىلەت مينيسترلىگى وڭىرلەردەگى ازاماتتىعى جوق ادامداردى انىقتاۋ ءۇشىن بىرلەسىپ جۇمىس ىستەدى. سوڭىندا 500-دەن اسا ادام ازاماتتىق الدى، تاعى 490-ى قۇجاتتارىن راسىمدەدى.
ءتيىستى مەكەمەلەر ەلىمىزدىڭ بۇۇ- نىڭ ازاماتتىعى جوقتار جونىندەگى كونۆەنتسيالارىنا قوسىلۋى بويىنشا شەتەلدىك ارىپتەستەرمەن كەلىسسوزدەردى جالعاستىرىپ جاتىر.
ەسكە سالايىق، مامىردا «ۋرليۋتوبە» شەكارالىق باقىلاۋ ءبولىمىنىڭ وتكىزۋ پۋنكتىندە قازاقستان ازاماتتىعى تۋرالى زاڭناماسىن بۇزعانى ءۇشىن مەملەكەتتىك شەكارانى كەسىپ ءوتۋ كەزىندە ءۇش ءتولقۇجاتى بار - قازاقستاندىق، رەسەيلىك جانە كانادالىق ايەل ۇستالعان بولاتىن.
