08:30, 12 - شىلدە 2022 | GMT +5
شارۋا قوجالىعىنان 9 ميلليون تەڭگەنىڭ مۇلكىن توناپ كەتكەن ەر ادام ۇستالدى
سەمەي. قازاقپارات - اباي وبلىسى بەسقاراعاي اۋدانىندا شارۋا قوجالىعىنان 9 ميلليون تەڭگەنىڭ مۇلكىن توناپ كەتكەن ەر ادام ۇستالدى، دەپ حابارلايدى قازاقپارات ءتىلشىسى.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بەسقاراعاي اۋدانىندا پوليتسيا قىزمەتكەرلەرىنە جەرگىلىكتى شارۋا قوجالىقتارىنىڭ ءبىرىنىڭ 64 جاستاعى يەسى جۇگىنگەن. ءوز سوزىندە ول بەتون بۇيىمدارىنىڭ ۇرلانعانىن جەتكىزدى.
«جابىرلەنۋشىنىڭ ايتۋىنشا، بەلگىسىز بىرەۋلەر 10-25-ماۋسىم ارالىعىندا ەرنازار اۋىلىنىڭ ماڭىنداعى قوجالىق اۋماعىنان 16 بەتون فۋندامەنتىن، 6 تىرەكتى جانە بەتوننان جاسالعان 7 ارقالىقتى ۇرلاپ كەتكەن. وسىنىڭ سالدارىنان كەلتىرىلگەن ماتەريالدىق شىعىننىڭ جالپى سوماسى 9300000 تەڭگەنى قۇرادى»، - دەلىنگەن اقپاراتتا.
جەدەل- ىزدەستىرۋ شارالارىن جۇرگىزگەن پوليتسەيلەر كۇدىكتى رەتىندە 49 جاستاعى جەرگىلىكتى تۇرعىندى ۇستادى. وعان قاتىستى ق ر ق ك- ءنىڭ 188-بابى 4-بولىگىمەن سوتقا دەيىنگى تەرگەۋ امالدارى جۇرگىزىلۋدە.
