تايلاندتاعى تۋرنير: 9 قازاقستاندىق بوكسشى جارتىلاي فينالعا شىقتى

None
None
نۇر-سۇلتان. قازاقپارات - تايلاندتىڭ پحۋكەت قالاسىندا قالاسىندا ءوتىپ جاتقان Thailand Open-2022 تۋرنيرىندە قازاقستاندىق توعىز بوكسشى جارتىلاي فينالعا جولداما الدى، دەپ حابارلايدى قازاقپارات ءتىلشىسى.

بۇگىن شيرەك فينالدا سەرىك تەمىرجانوۆ (57 كەلى) سينگاپۋرلىك موحامەد حانۋردين بين حاميدتى جەڭدى. ال ەل قۇراماسىنان ساكەن بيبوسىنوۆ (52 كەلى) تايلاندتىق تانارات ساەنفەتتى تىزە بۇكتىردى.

ەسكە سالساق، بۇدان بۇرىن ءساناتالي تولتايەۆ پەن سۇلتان مۋسينوۆ ( ەكەۋى دە 63 كەلى)، اسلانبەك شىمبەرگەنوۆ (69 كەلى) ، اياتۋللا تاكىجانوۆ (75 كەلى)، ساعىندىق توعامباي جانە ايبەك ورالباي (ەكەۋى دە 91 كەلى) جارتىلاي فينالعا شىقتى.

سونداي-اق، تۋرنيردە قازاقستاندىق تاعى ءبىر بوكسشى نۇربەك ورالباي بىردەن جارتىلاي فينالعا شىعىپ، جۇلدەگەر اتانۋعا مۇمكىندىك الدى. ەل قۇراماسىنان تيمۋر نۇرسەيىتوۆ (75 كەلى) شيرەك فينالدا جارىس جولىنان شىعىپ قالدى. حالىقارالىق تۋرنير 9-ساۋىردە مارەسىنە جەتەدى.

سوڭعى جاڭالىقتار