ەكپىندى جەل، تۇمان: 9 وڭىردە ەسكەرتۋ جاريالاندى

نۇر-سۇلتان. قازاقپارات - «قازگيدرومەت» ر م ك 4-ساۋىردە اۋا رايىنىڭ ناشارلاۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

كۇندىز ماڭعىستاۋ وبلىسىنىڭ سولتۇستىگىندە نايزاعاي كۇتىلەدى. وبلىستىڭ باتىسىندا، سولتۇستىك- شىعىسىندا شاڭدى داۋىل تۇرادى. وڭتۇستىك- شىعىستان جەل سوعىپ، كۇندىز ەكپىنى 23-28 م/س جەتەدى.

قىزىلوردا وبلىسىنىڭ سولتۇستىگىندە جەلدىڭ كۇشى 15-20 م/س ارتادى.

اقتوبە وبلىسىندا وڭتۇستىكتەن، وڭتۇستىك- باتىستان جەل سوعادى، وبلىستىڭ وڭتۇستىك- باتىسىندا ەكپىنى 15-20 م/س كۇشەيەدى.

تاڭەرتەڭ جانە كۇندىز اتىراۋ وبلىسىندا سولتۇستىك- باتىستان سوعاتىن جەلدىڭ ەكپىنى 23-28 م/س جەتۋى مۇمكىن.

تۇندە جانە تاڭەرتەڭ اقمولا وبلىسىنىڭ وڭتۇستىگىندە تۇمان كۇتىلەدى. وڭتۇستىكتەن، وڭتۇستىك- باتىستان جەل سوعىپ، ەكپىنى 15-20 م/س ارتادى. قوستاناي وبلىسىنىڭ سولتۇستىگىندە تۇمان بولجانادى. وڭتۇستىك- باتىستان، وڭتۇستىكتەن جەل سوعادى، وبلىستىڭ باتىسىندا، سولتۇستىگىندە ەكپىنى 23-28 م/س ارتۋى ىقتيمال.

باتىس قازاقستان وبلىسىنىڭ شىعىسىندا تۇمان كۇتىلەدى. جەل وڭتۇستىك- باتىستان، باتىستان سوعادى، تۇندە ءوڭىردىڭ وڭتۇستىك- باتىسىندا، كۇندىز باسىم بولىگىندە جىلدامدىعى 23-28 م/س كۇشەيەدى.

تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان كۇتىلەدى. وڭتۇستىكتەن جەل سوعادى، ءوڭىردىڭ باتىسىندا، سولتۇستىگىندە ەكپىنى 15-20 م/س قۇرايدى. تاۋلىك بويى 4-5 ساۋىردە جامبىل وبلىسىنىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا سولتۇستىك- شىعىستان جەل سوعادى، ەكپىنى 15-20 م/س ارتادى. سونداي- اق 4-6-ءساۋىر ارالىعىندا باتىس قازاقستان، اقتوبە، قوستاناي، قاراعاندى جانە سولتۇستىك- قازاقستان وبلىستارىندا وڭ ءماندى اۋا تەمپەراتۋراسىنىڭ ساقتالۋى مەن ودان ءارى جوعارىلاۋىنا بايلانىستى وزەن باسسەيندەرىندە قاردىڭ ەرۋى قارقىن الىپ، ەرىگەن قار اعىنى قالىپتاسادى، وزەندەردە مۇز ەرىپ، سۋ دەڭگەيى كوتەرىلەدى.