قازاقستاندىقتار 9 تريلليون تەڭگەنىڭ دەپوزيتىن شەتەل ۆاليۋتاسىندا ۇستاپ وتىر
ۇلتتىق بانكتىڭ مالىمەتى بويىنشا جەلتوقسان ايىندا، دەپوزيتتىك ۇيىمداردا ۇستالاتىن اقشانىڭ كولەمى 5,1 پايىز ۇلعايىپ، 27 تريلليون 101,6 ميلليارد تەڭگەگە جەتكەن. ياعني، جىلدىق ءوسىم 22,7 پايىز دەگەن ءسوز. ونىڭ ىشىندە، زاڭدى تۇلعالاردىڭ دەپوزيتتەرى ءبىر ايدا 13 تريلليون 836,6 ميلليارد تەڭگەگە دەيىن نەمەسە 5,9 پايىز ارتسا، جەكە تۇلعالاردىڭ دەپوزيتتەرى 13 تريلليون 264,9 ميلليارد تەڭگەگە دەيىن نەمەسە 4,2 پايىز وسكەن.
ۇلتتىق ۆاليۋتاداعى دەپوزيتتەردىڭ كولەمى ءبىر ايدا 17 تريلليون 337,5 ميلليارد تەڭگەگە دەيىن نەمەسە 7,1 پايىز ۇلعايسا، شەتەل ۆاليۋتاسىندا 9 تريلليون 764,1 ميلليارد تەڭگەگە دەيىن نەمەسە 1,7 پايىز كوبەيگەن.
دەمەك، دەپوزيتتەردىڭ 36,0 پايىزى دوللارمەن ساقتالىپ وتىر. 2020-جىلعى جەلتوقساندا ونىڭ مولشەرى 37,3 پايىز بولعان.
«زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2021-جىلعى جەلتوقساندا 8 تريلليون 629,3 ميلليارد تەڭگەگە دەيىن نەمەسە 7,3 پايىزعا ارتتى. شەتەل ۆاليۋتاسىندا - 5 207,3 ميلليارد تەڭگەگە دەيىن نەمەسە 3,6 پايىزعا ۇلعايدى. بۇل - زاڭدى تۇلعالارعا تيەسىلى دەپوزيتتەردىڭ 37,6 پايىزى»، - دەپ جازادى ۇلتتىق بانكتىڭ رەسمي سايتى.
ال جەكە تۇلعالاردىڭ تەڭگەدەگى دەپوزيتتەرى 8 تريلليون 708,2 ميلليارد تەڭگە بولسا، (6,8 پايىزعا ۇلعايدى)، شەتەل ۆاليۋتاسىندا 4 تريلليون 556,7 ميلليارد تەڭگەگە (0,4 پايىز) ازايدى.
مەرزىمدى دەپوزيتتەردىڭ كولەمى ءبىر ايدا 0,2 پايىز ۇلعايىپ، 17 تريلليون 896,2 ميلليارد تەڭگە بولعان. ونىڭ ىشىندە ۇلتتىق ۆاليۋتاداعى سالىمدار 11 تريلليون 547,2 ميلليارد تەڭگە، شەتەل ۆاليۋتاسىنداعى سالىمدار - 6349,0 ميلليارد تەڭگە بولدى. بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرىنە ورتاشا سىياقى مولشەرلەمەسى 7,3 پايىز (2020-جىلعى جەلتوقساندا دا - 7,3 پايىز)، جەكە تۇلعالاردىڭ دەپوزيتتەرى بويىنشا - 7,8 پايىز (9,2 پايىز) بولعان.
