كوكتايعاق، تۇمان: 9 وڭىردە ەسكەرتۋ جاريالاندى
تۇندە جانە تاڭەرتەڭ الماتى وبلىسىنىڭ وڭتۇستىگىندە جانە شىعىسىندا تۇمان، كوكتايعاق ساقتالادى.
سولتۇستىك-شىعىستان جەل سوعادى، وبلىستىڭ شىعىسىندا ەكپىنى 25 م/س جەتەدى.
ماڭعىستاۋ وبلىسىنىڭ باسىم بولىگىندە جاۋىن-شاشىن (جاڭبىر، قار)، كوكتايعاق كۇتىلەدى. وبلىستىڭ سولتۇستىگىندە تۇمان بولادى.
سولتۇستىكتەن جەل سوعادى، تۇندە ءوڭىردىڭ باتىسىندا، كۇندىز باسىم بولىگىندە ەكپىنى 15-20 م/س ارتادى.
قىزىلوردا وبلىسىنىڭ سولتۇستىگىندە جانە ورتالىعىندا كوكتايعاق، تۇمان كۇتىلەدى. كۇندىز وبلىستىڭ سولتۇستىگىندە بۇرقاسىن بولجانادى. وڭتۇستىك-شىعىستان سوققان جەل سولتۇستىككە اۋىسادى، كۇندىز ءوڭىردىڭ سولتۇستىگىندە 15-20 م/س جەل تۇرادى.
اتىراۋ وبلىسىنىڭ باتىسىندا جانە شىعىسىندا جاياۋ بۇرقاسىن سوعىپ، تۇندە جانە تاڭەرتەڭ وبلىستىڭ سولتۇستىگىندە جانە ورتالىعىندا تۇمان، كوكتايعاق بولادى. جەلدىڭ جىلدامدىعى - 15-20 م/س.
باتىس قازاقستان وبلىسىنىڭ باتىسىندا تۇمان، تۇندە وبلىستىڭ وڭتۇستىك-شىعىسىندا كوكتايعاق كۇتىلەدى.
سولتۇستىكتەن، سولتۇستىك-باتىستان سوققان جەلدىڭ ەكپىنى 15-20 م/س جەتەدى.
اقمولا وبلىسىنىڭ سولتۇستىگىندە تۇمان كۇتىلەدى.
پاۆلودار وبلىسىنىڭ وڭتۇستىگىندە، شىعىسىندا كوكتايعاق، تۇندە ءوڭىردىڭ سولتۇستىك-باتىسىندا تۇمان بولجانادى.
سولتۇستىك قازاقستان وبلىسىنىڭ سولتۇستىگىندە، باتىسىندا تۇمان بولادى.
17- قاراشادا جامبىل وبلىسىنىڭ وڭتۇستىك-باتىسىندا جانە تاۋلى اۋداندارىندا قاتتى قار جاۋادى. تاۋلىك بويى 17-18- قاراشادا وبلىستىڭ سولتۇستىك-شىعىسىندا، وڭتۇستىك-باتىسىندا، تاۋلى اۋداندارىندا تۇمان، كوكتايعاق، جاياۋ بۇرقاسىن كۇتىلەدى.
تاۋلىك بويى 17- قاراشادا، تۇندە 18- قاراشادا جەلدىڭ ەكپىنى 23-28 م/س، كەي ۋاقىتتا 30 م/س جانە ودان جوعارى ارتادى.
