9-قىركۇيەك. قازاقپارات كۇنتىزبەسى
اتاۋلى كۇندەر
دۇنيەجۇزىلىك ادەمىلىك كۇنى
حالىقارالىق ەستەتيكا جانە كوسمەتولوگيا كوميتەتىنىڭ (سيدەسكو) باستاماسى بويىنشا اتاپ وتىلەدى.
ەستە قالار وقيعالار 2002 -جىلى قازاقستان رەسپۋبليكاسى مەن وزبەكستان رەسپۋبليكاسى اراسىندا قازاق- وزبەك شەكاراسىنىڭ جەكەلەگەن ۋچاسكەلەرى تۋرالى كەلىسىمگە قول قويىلدى. قۇجات ارقىلى ەكى ەل اراسىنداعى شەكارالار تولىق انىقتالدى.
2005 -جىلى استانادا قازاقستاننىڭ العاشقى ۇلتتىق جاستار دەلفي ويىندارى اشىلدى. دەلفي ويىندارى - كلاسسيكالىق جانە زاماناۋي جانرداعى ونەردىڭ بارلىق ءتۇرىن بىرىكتىرەتىن مادەني فورۋم. بۇل فورتەپيانو جانە سكريپكا، بايان جانە حالىق بيلەرى، ەسترادالىق ءان سالۋ جانە تەاتر، تسيرك جانە فوتوسۋرەت، پلاكات جانە تەلەديدار. شارا اياسىندا ۇلتتىق ويىندار كونكۋرسى 14 نوميناتسيا بويىنشا ءوتتى.
2013 -جىلى قازاقستان رەسپۋبليكاسىنىڭ ۇلتتىق كاسىپكەرلەر پالاتاسى قۇرىلدى. استانادا ق ر وڭىرلىك دامۋ ءبىرىنشى ۆيتسە- ءمينيسترى قايىربەك وسكەنبايەۆ پەن «اتامەكەن» وداعى» قازاقستان ۇلتتىق ەكونوميكا پالاتاسى (ق ۇ ە پ) باسقارما ءتوراعاسى ابىلاي مىرزاحمەتوۆ ق ر ۇلتتىق كاسىپكەرلەر پالاتاسىن قۇرۋ تۋرالى قر ۇكىمەتى مەن قۇەپ بىرلەسكەن شەشىمىنە قول قويدى.
2013 -جىلى استانادا «الاش» قوزعالىسىنىڭ ءجۇز جىلدىعىنا ارنالعان قازاق، ورىس جانە اعىلشىن تىلدەرىندە alash-orda.kz ينتەرنەت- پورتالى اشىلدى.
2013 -جىلى پاۆلودار قالاسىنىڭ № 1 كوركەمدىك مەكتەپتىڭ 12 تاربيەلەنۋشىسى ۆيلنيۋس قالاسىندا وتكەن «بالتىق مۋزاسى» اتتى بالالارعا ارنالعان حالىقارالىق بەينەلەۋ ونەرى بايقاۋىندا جەڭىمپاز اتاندى. پاۆلودارلىق ورەندەردىڭ سەگىز جۇمىسى «وۆاتسيا» اتالىمىندا بەلگىلەنىپ، قورىتىندى كورمەگە قويىلعان.
2014 -جىلى استاناداعى Astana Opera مەملەكەتىك وپەرا جانە بالەت تەاترىندا نەيروحيرۋرگتاردىڭ ازيالىق كونگرەسىنىڭ سالتاناتتى تۇردە اشىلۋى ءوتىپ، سونىڭ اياسىندا نەيروحيرۋرگيا جانە نيەۆرولوگيا سالاسىنداعى سوڭعى تەحنولوگيالار مەن تاجىريبە تالقىلانعان. بۇل شارا ورتالىق ازيا جانە ت م د كەڭىستىگىندە العاش رەت وتكىزىلدى. وعان الەمنىڭ 50 ەلىنەن 600 دەن استام دەلەگات قاتىستى.
2016 -جىلى شىعىس قازاقستاننىڭ قاتونقاراعاي اۋدانىندا «پاتشالار القابىنداعى» ەجەلگى قورعاننىڭ ۇستىنە اينالى ساركوفاگ ورناتىلدى. ەندى ول اشىق اسپان استىنداعى مۇراجايعا اينالدى. شىڭدالعان اينادان جاسالعان ساركوفاگتىڭ اۋدانى 90 شارشى مەترگە جەتەدى.
2016 -جىلى الماتىدا جۇلدىزدار اللەياسىندا قازاق اكتەرى، تەاتر جانە كينو رەجيسسەرى، ستسەناريست، پەداگوگ ءاسانالى ءاشىموۆتىڭ جۇلدىزى اشىلدى.
2019 -جىلى قىتايداعى شيان قالاسىندا الەمنىڭ 18 ەلىنەن جينالعان جۋرناليستەر، سونىڭ ىشىندە ش ى ۇ مۇشە ەلدەرى، سەرىكتەستەر جانە بايقاۋشىلارىنىڭ قاتىسۋىمەن ۆەلوتۋر ءوتتى. شارا شانحاي ىنتىماقتاستىق ۇيىمى گۋمانيتارلىق ىنتىماقتاستىعى مەن «ءبىر بەلدەۋ - ءبىر جول» كونتسەپتسياسىن جاسىل دامىتۋ اياسىندا ۇيىمداستىرىلدى. 30 دان استام جۋرناليست، سونىڭ ىشىندە «قازاقپارات» ءتىلشىسى سامال ەندىبايەۆا ۆەلوسيپەدكە ءمىنىپ، قالاداعى كونە قىتاي قابىرعاسىمەن ۇزاقتىعى 13,4 شاقىرىم جولدى ءجۇرىپ ءوتتى.
كونە زاماندا بۇل قابىرعا سيان قالاسىن جاۋلاردان قورعاعان، سونداي- اق قابىرعانىڭ باتىس جاعىنان ۇلى جىبەك جولىنا ساۋدا كەرۋەندەرى اتتانعان. بۇگىندە قىتاي كونە ساۋلەتىنىڭ ەسكەرتكىشى تۋريستەر اراسىندا وتە تانىمال بولىپ وتىر.
2019 -جىلى ماڭعىستاۋ وبلىستىق اۋرۋحاناسىنىڭ كارديوحيرۋرگتارى پاتسيەنتتىڭ ءوز تىنىندەگى قولقا قالپاقشاسىن قالىپتاستىرۋ وتاسىن جاسادى. بۇعان دەيىن مۇنداي جاعدايدا يمپلانتتار قولدانىلاتىن. الەمدە مۇنداي وتالاردى جاسايتىن ورتالىقتار كوپ ەمەس، ال قازاقستان رەسپۋبليكاسى ورتالىق ازيادا وسىنداي وتانى جاساعان العاشقى ەل بولدى.
2020 -جىلى گرەكيادا ديماش قۇدايبەرگەننىڭ اندەرى تاۋلىك بويى شىرقالاتىن «Dimash Greece « اتتى جاڭا ونلاين- راديوستانسا ەفيرگە شىقتى. گرەكياداعى ونلاين- راديونى «Dimash Kudaibergen Greecە» فان- كلۋبىنىڭ اكىمشىسى لەنا ۆورك قۇرعان.