جامبىلداعى جارىلىس: قازا بولعاندار سانى 9 عا جەتتى
«جامبىل وبلىسى بايزاق اۋدانىندا ورنالاسقان اسكەري بولىمدەگى جارىلىس سالدارىنان سوڭعى مالىمەتتەر بويىنشا بارلىعى 9 ادام قازا تاپتى. ونىڭ ىشىندە ق ر ت ج م، اسكەري ءبولىمنىڭ، اسكەريلەندىرىلگەن كۇزەت پەن اسكەري پروكۋراتۋرا قىزمەتكەرلەرى بار. قازا بولعانداردىڭ جەكە باسى انىقتالىپ جاتىر. تابىلماي جاتقان 4 ادام تۋرالى دەرەكتەر انىقتالۋدا. بۇل تۋرالى جەدەل شتاب مالىمدەدى»، - دەپ جازىلعان مينيسترلىكتىڭ باسپا ءسوز قىزمەتى تاراتقان مالىمەتتە.
توتەنشە جاعدايدى جويۋعا - ت ج م-153 قىزمەتكەر، 46 تەحنيكا، - د پ-400 قىزمەتكەر، 54 تەحنيكا، - №28349 ءا/ب-8 قىزمەتكەر، 2 تەحنيكا، - №5513 ءا/ب-273 اسكەري قىزمەتشى، 12 تەحنيكا جۇمىلدىرىلدى. ۇلتتىق ۇلان-520 ادام جانە 250 ادام رەزەرۆتە.
ايتا كەتەيىك، 26- تامىز كۇنى ساعات 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى. قورعانىس ءمينيسترى نۇرلان ەرمەكبايەۆتىڭ ايتۋىنشا، جارىلىس بولعاننان بەرى 3 اسكەري قىزمەتشىمەن جانە توتەنشە جاعدايلار دەپارتامەنتىنىڭ بىرنەشە مامانىمەن بايلانىسۋ مۇمكىن بولماي تۇر.