ۆاكسينالاۋ باستالعاننان كەيىن الەمدە 9 جاڭا ميللياردەر پايدا بولدى

نۇر- سۇلتان. قازاقپارات - ۆاكسينالاۋ باستالعاننان كەيىن الەمدە 9 جاڭا ميللياردەر پايدا بولدى. ولاردىڭ جيىنتىق پايداسى $19,3 ميلليارد قۇرايدى.

ب ۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆ ا ك جۇمىسى تۋرالى تەلەگرام كانالعا سىلتەمە جاساپ حابارلايدى.

كەيبىر دەرەكتەر بويىنشا بۇل تابىس دەڭگەيى تومەن ەلدەردىڭ حالقىن ەكپەمەن قامتۋعا جەتكىلىكتى بولار ەدى. ەڭ كوپ تابىس تاپقان moderna جانە BioNTech باسشىلارى. سونىمەن قاتار ميللياردەرلەر تىزىمىنە كەلەسىلەر كىردى:

* يممۋنولوگ جانە moderna ينۆەستورى تيموتي سپرينگەر ($2,2 ميلليارد

* Moderna ديرەكتورلار كەڭەسىنىڭ ءتوراعاسى نۋبار افەيان ($1,9 ميلليارد)

* Moderns ۆاكسينالارى ءۇشىن قاپتاما دايىندايتىن Rovi كومپانياسىنىڭ ءتوراعاسى حۋان لوپەس- بەلمونتە ($1,8 ميلليارد)

*عالىم جانە Modern ينۆەستورى روبەرت لانگەر ($1,6 ميلليارد)

* قىتايلىق CanSino Biologics فارماتسيەۆتيكالىق كومپانياسىنىڭ قۇرىلتايشىسى جانە باس عىلىمي قىزمەتكەرى جۋ تاو ($1,3 ميلليارد)

* CanSino Biologics كومپانياسىنىڭ قۇرىلتايشىسى جانە اعا ۆيتسە- پرەزيدەنتى سيۋ دۋنسۋ ($1,2 ميلليارد)

* cansino Biologics كومپانياسىنىڭ قۇرىلتايشىسى جانە اعا ۆيتسە- پرەزيدەنتى ماو حۋايحۋا ($1 ميلليارد).

د د ۇ covid-19-دان بولعان ءولىم جاعدايلارىن باعالادى. ستاتيستيكا رەسمي دەرەكتەردەن بىرنەشە ەسە جوعارى بولدى. انىعىندا 6-8 ميلليون ادامنىڭ كوز جۇمۋى مۇمكىن دەپ مالىمدەلگەن ەدى. د د ۇ باس ديرەكتورىنىڭ دەرەكتەر جانە اناليتيكا جونىندەگى كومەكشىسى ساميرا اسما كەلەسى مالىمەتتەردى حابارلادى: «كوروناۆيرۋس سالدارىنان بولعان 3,4 ميلليون ءولىم جاعدايلارى قايتا قارالۋى مۇمكىن، ناقتى سانى 6-8 ميلليپن ادام بولۋى ىقتيمال».

رەسەيلىك ۆاكسينالاردى وندىرۋشىلەر covid-19 ۆاكتسيناسىنىڭ وندىرىستىك قۋاتتىلىعىنىڭ ارتقانى تۋرالى حابارلادى. «ۆەكتور» ۆيرۋسولوگيا جانە بيوتەحنولوگيا مەملەكەتتىك عىلىمي ورتالىعى قۋاتتىلىقتى ايىنا 1,1 ميلليون دوزاعا دەيىن ارتتىردى. وتكەن جىلدىڭ سوڭىندا بۇل كورسەتكىش ايىنا 20 مىڭ دوزانى قۇرادى. ءوز كەزەگىندە رعا چۋماكوۆ اتىنداعى ورتالىقتىڭ ديرەكتورى ايدار يشمۋحامەتوۆ «كوۆيۆاك» ۆاكسيناسىنىڭ ءوندىرىسى جىلىنا 7-8 ميلليون دوزاعا دەيىن وسەتىنىن ايتتى. كورسەتكىشتەردى جابدىقتاردى جاڭعىرتۋ ەسەبىنەن ارتتىرۋ كوزدەلىپ وتىر.

گەرمانيا ۆاكسينالاردى كەدەي ەلدەرگە تاراتۋ باعدارلاماسىنا قوسىمشا 100 ميلليون ەۋرو بولەدى. بۇل تۋرالى گەرمانيا كانتسلەرى انگەلا مەركەل حابارلادى. ول گەرمانيانىڭ COVAX باعدارلاماسىنا قوسقان ۇلەسى 1 ميلليارد ەۋرودان اسقانىن اتاپ ءوتتى.

كانسلەر سونىمەن قاتار بەرلين ءدارى- دارمەك وندىرۋشىلەرىنەن ۋادە ەتىلگەن كولەمدى السا، جىل سوڭىنا دەيىن كەدەي ەلدەرگە ۆاكسينانىڭ 30 ميلليون دوزاسىن ۇلەستىرەتىندىگىن جەتكىزدى.