16:16, 19 - ماۋسىم 2020 | GMT +6
الماتىدا اۆتوبۋستار سوعىلىپ، 9 ادام زارداپ شەكتى
الماتى. قازاقپارات - الماتىدا №34، 32-اۆتوبۋستار سوعىلىپ، 9 ادام زارداپ شەكتى، دەپ حابارلايدى قازاقپارات ءتىلشىسى.
جول اپاتىنان كەيىنگى كورىنىس الەۋمەتتىك جەلىدە جاريالاندى. وقىس وقيعا سۇلەيمەنوۆ كوشەسىنىڭ بويىندا تاڭعى 10:00 دە بولعان.
«36 جاستاعى №32-مارشرۋت جۇرگىزۋشىسى سۇلەيمەنوۆ كوشەسىمەن كەلە جاتىپ، №34-اۆتوبۋسقا سوعىلعان. جول اپاتىنان ەكى اۆتوبۋستان 9 ادام، ونىڭ ىشىندە 2 بالا جاراقات العان. ولار قالاداعى اۋرۋحانالارعا جەتكىزىلدى»، - دەدى الماتى پ د باسپا ءسوز قىزمەتىنەن.
پوليتسيا سوت-مەديتسينالىق ساراپتاما تاعايىندادى. قالالىق قوعامدىق دەنساۋلىق باسقارماسىنىڭ باسپا ءسوز قىزمەتىنەن حابارلاعانداي، جاراقات العان 2 بالا باسىنىڭ جۇمساق تىندەرى سوققى العان دەگەن دياگنوزبەن امبۋلاتوريالىق ەمدەۋگە جىبەرىلدى.