بەلارۋس 9 - مامىردا كوروناۆيرۋسقا قاراماستان اسكەري شەرۋ وتكىزەدى

«قازىرگى كۇنى ىندەتتىڭ تارالۋىن ءبىرقالىپتى ۇستاپ تۇرمىز. ينفەكسيالىق اۋرۋلارعا قاتىستى ايتار بولساق، ءبىز ماعان ەكى اي بۇرىن باياندالعان بولجام بويىنشا كەلە جاتىرمىز»، - دەپ مالىمدەدى مەملەكەت باسشىسى. الەكساندر لۋكاشەنكو جەڭىس كۇنىنە ارنالعان ءىس- شارا بۇرىن ۇسىنىلعانىن اتاپ ءوتتى.

«ءبىز قازىر جوسپار بويىنشا كەلە جاتىرمىز. وعان قوسا، ءىس- شارانى ءبىزدىڭ شەكارامىزدا ءوتىپ جاتقان ناتو وقۋمەن بايلانىستىرىپ كەڭ اۋقىمدا قاراستىرىپ جاتىرمىز. مەنىڭ ويىمشا ءبىز سولتۇستىك اتلانت بلوگى ءبىزدىڭ شەكارالارىمىزدا جوسپارلاعان ءىس- شارالارعا دەن قويۋدا. بىرلەسىپ بەلگىلەگەن جوسپاردان ميلليمەترگە دە شەگىنبەدىك. راس، «ناتو بۇرىنعىداي اۋقىمدى ءىس- شارا وتكىزۋدى جوسپارلامادى» دەپ مالىمدەلگەننەن كەيىن تۇزەتۋ ەنگىزىلدى. سايكەسىنشە، ءبىز ونى دۇرىس قابىلدادىق»، - دەپ مالىمدەدى الەكساندر لۋكاشەنكو.

جالپى پرەزيدەنت ەپيدەميولوگتار مەن ۆيرۋسولوگتاردىڭ پىكىرىنشە، پاراد قاۋىپتى ەمەس ەكەنىن اتاپ ءوتتى. «ويتكەنى ول لايىقتى تۇردە ۇيىمداستىرىلادى. بۇل تۋرالى ءبىز كەيىنىرەك ايتامىز. مۇمكىن سول پاراد تريبۋناسىنان حابارلارمىز»، - دەدى ول. ونىڭ ايتۋىنشا، كەيبىر اسكەري بولىمشەلەر عانا قازىر پوليگونداردا، جاتتىعۋىن جالعاستىرىپ جاتىر. «ءبىراق نەگىزگى اسكەريلەر تۇراقتى ديسلوكاتسيا ورنىنا - كازارمالارعا قايتارىلدى»، - دەپ اتاپ ءوتتى الەكساندر لۋكاشەنكو.