تۇمان، كوكتايعاق، قار: 9-قاڭتارعا ارنالعان اۋا رايى بولجامى
نۇر-سۇلتان. قازاقپارات - سينوپتيكتەر 10- قاڭتار كۇنگى اۋا رايى بولجامىن جاريالادى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.
اتموسفەرالىق فرونتتاردىڭ وتۋىنە بايلانىستى قازاقستان تەرريتورياسىنىڭ باسىم بولىگىندە تۇراقسىز اۋا رايى ساقتالادى. ەلىمىزدىڭ وڭتۇستىگىندە جانە وڭتۇستىك-باتىسىندا كەي جەرلەردە جاۋىن-شاشىن جاۋادى، ال قالعان ايماقتاردا قار جاۋادى.
كەي جەرلەردە تۇمان بولادى، وڭتۇستىك پەن باتىستا - كوكتايعاق.
جامبىل وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، جاياۋ بۇرقاسىن كوتەرىلەدى.
تۇركىستان وبلىسىنىڭ كەي جەرلەرىنە تۇمان تۇسەدى، كۇندىز جەل ەكپىنى 15-20 م/س دەيىن كۇشەيەدى.
قىزىلوردا وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. تاڭەرتەڭ جانە كۇندىز جەل جىلدامدىعى سەكۋندىنا 15-20 مەترگە جەتەدى.
مانعىستاۋ وبلىسىنىڭ كەي جەرلەرىنە تۇمان ءتۇسىپ، كۇندىز كوكتايعاق بولادى.
اتىراۋ وبلىسىندا دا سولاي - تۇمان مەن كوكتايعاق.
سولتۇستىك قازاقستان، اقمولا، الماتى، باتىس قازاقستان، اقتوبە، قوستاناي، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىنە تۇمان تۇسەدى.
