جوعالىپ كەتكەن ەلوردالىق 9 جاسار بالا قوستانايدان تابىلدى
وقيعا 1 -ماۋسىم كۇنى ۇزىنكول اۋدانىندا بولعان. «قۇقىقتىق ءتارتىپ» جەدەل-الدىن الۋ ءىس- شاراسى بارىسىندا اۋداندىق پوليتسيا ءبولىمىنىڭ ۋچاسكەلىك ينسپەكتورى اسىلبەك مولداعاليەۆ رەچنوە اۋىلىندا جۇرگەن بەيتانىس ايەل مەن كامەلەتكە تولماعان بالانى بايقاعان.
«ايەل ءتارتىپ ساقشىسىنىڭ سۇراقتارىنا جاۋاپ بەرە الماي، ءمۇدىرىپ، ءوزىن باسقا ەسىممەن تانىستىرعان. نۇر-سۇلتان قالاسىنان كەلگەنىن، قۇجاتتارىنىڭ جوعىن ايتقان. بۇعان قوسا وندا بالانىڭ جەكە قۇجاتتارى دا بولماعان»، - دەپ اتاپ ءوتتى پوليتسيانىڭ باسپا ءسوز قىزمەتىندەگىلەر.
ا. مولداعاليەۆ ايەل مەن بالانى بىردەن اقپاراتتىق جۇيەلەر بازاسى ارقىلى تەكسەرگەن. بەلگىلى بولعانداي، 9 جاسار بالا نۇر-سۇلتان قالاسىندا جوعالىپ كەتكەن. بالانىڭ اناسى اتا-انا قۇقىعىنان ايىرىلعانى جانە بالاسىن زاڭسىز الىپ كەتكەنى انىقتالدى.
پوليتسيا قىزمەتكەرلەرى بالانى اكەسىنە تاپسىردى.