قازاقستاننىڭ 9 وبلىسىندا وزەندەر ارناسىنان تاسۋى مۇمكىن

 26-30 -ناۋرىز قاراعاندى، اقمولا، قوستاناي وبلىستارىندا جوعارى اۋا تەمپەراتۋراسى ساقتالادى جانە ەرىگەن قار سۋىنان كەي وزەندەردە سۋ دەڭگەيى كوتەرىلۋى مۇمكىن.

26-27 -ناۋرىز كۇندەرى سولتۇستىك قازاقستان جانە پاۆلودار وبلىستارىندا جىلى اۋا رايى ساقتالىپ، قار ەرىپ، اعىن سۋلار پايدا بولۋى مۇمكىن.

25-30 -ناۋرىز كۇندەرى باتىس قازاقستان، اتىراۋ، اقتوبە وبلىستارىندا اۋا تەمپەراتۋراسى كوتەرىلىپ، جاۋىن- شاشىن جاۋادى. 25 -ناۋرىز كۇنى اقتوبە وبلىسىنىڭ كەي جەرلەرىندە ەرىگەن قار سۋى جينالۋى مۇمكىن.

26 -ناۋرىز كۇنى سىرداريا (قىزىلوردا وبلىسى اۋماعىندا) وزەنى اۋا رايىنىڭ جىلىنۋىنان ارناسىنان تاسۋى مۇمكىن.