13:02, 02 - قازان 2017 | GMT +5
اقتاۋدا 9-قاباتتان سەكىرگەن قىزدى تومەندەگى كورشىسى قاعىپ الدى - كەسكىن
استانا. قازاقپارات - اقتاۋدا تۇرعىن ءۇيدىڭ 9- قاباتىندا اسىلىپ تۇرعان قىز قۇتقارىلدى.

بۇل تۋرالى lada.kz حابارلادى. وقيعا 28- شاعىن اۋدانداعى كوپقاباتتى ۇيلەردىڭ بىرىندە بولعان.
«قىزدىڭ جاسى شامامەن 18-دە. بويجەتكەننىڭ سەكىرىپ كەتكىسى كەلگەنىن كورگەن كورشىسى، ونى قۇتقارىپ قالدى. 30 -قىركۇيەك كۇنى بولعان جاعداي»، - دەپ ايتىپ بەردى وقيعا كۋاگەرى.
ايتا كەتەيىك، وقيعانىڭ وزگە ءمان-جايلارى بەلگىسىز. ۆيدەودان تومەن قۇلاماق بولىپ، قولىن بوساتقان قىزدى استىڭعى قاباتتىڭ بالكونىندا تۇرعان ادامنىڭ قاعىپ العانىن كورۋگە بولادى.