قورعاستاعى ادام ءولىمى: ايىپتالۋشى 9 جىلعا باس بوستاندىعىنان ايىرىلدى

تالدىقورعان. قازاقپارات - تالدىقورعاندا قورعاستاعى ادام ولىمىنە بايلانىستى سوت ۇكىمى شىقتى.

ايىپتالۋشى دياس كارىپجانوۆ 9 جىلعا باس بوستاندىعىنان ايىرىلدى، دەپ حابارلايدى قازاقپارات ءتىلشىسى.

پروكۋروردىڭ سوت زالىندا ايتقان مالىمەتىنە سايكەس، ايىپتالۋشى كارىپجانوۆ پەن مارقۇم تولەگەنوۆتىڭ اراسىندا بۇعان دەيىن بىرنەشە مارتە كيكىلجىڭنىڭ بولعانى راستالدى.

ەستەرىڭىزگە سالا كەتەيىك، سوت پروتسەسى 22- تامىزدا باستالدى. الايدا ايىپتالۋشى ورىندىعىندا وتىرعان دياس كارىپجانوۆ تاعىلعان ايىپپەن كەلىسپەيتىنىن جەتكىزگەن بولاتىن.

ونىڭ سوزىنشە، قۋانىش تولەگەنوۆتى قاساقانا ولتىرمەگەن. جانە ول ىستەگەن ارەكەتىنە قاتتى وكىنەتىنىن، قىلمىسىن جارتىلاي مويىندايتىندىعىن جەتكىزدى.

22 جاستاعى كۇدىكتى ق ر ق ك 99-بابى ياعني، «قاساقانا ادام ءولتىرۋ» فاكتىسى بويىنشا ايىپتالۋدا.

ايتا كەتۋ كەتەيىك، بۇل وقيعا بيىل 4- ماۋسىمدا «قورعاس» شەكارا ماڭى ىنتىماقتاستىق حالىقارالىق ورتالىعىنىڭ اۋماعىندا بولدى. پانفيلوۆ اۋدانىنىڭ تۇرعىنى د. كارىپجانوۆ ءوزىنىڭ تانىسى ق. تولەگەنوۆپەن ءوزارا سوزگە كەلىسپەي، ونىڭ كەۋدە تۇسىنا پىشاق سۇعىپ العان.

25 جاستاعى ازامات العان جاراقاتىنان جاركەنتتەگى اۋرۋحاناعا جەتپەستەن كوز جۇمدى. ادام ءولتىرۋ وقيعاسى بەينەباقىلاۋ كامەراسىنا ءتۇسىپ قالعان.