بەس قاباتتى ءۇي وپىرىلا قۇلاپ ءۇش ادام قازا تاپتى، 9 ى جاراقاتتاندى
استانا. قازاقپارات - بەيسەنبىدە مىسىرلىق ەل-مانسۋرا قالاسىندا بەس قاباتتى تۇرعىن ءۇي وپىرىلا قۇلاپ ءۇش ادام قازا تاپتى، تاعى توعىز ادام جاراقات الدى، دەپ حابارلادى مەديتسينالىق دەرەككوزدەرگە سىلتەمە جاساپ «Youm7» باسىلىمى.
باسىلىم قۇلاعان ءۇي كوپتەن بەرى اپاتتى جاعدايدا تۇرعانىن اتاپ وتەدى. ءۇيىندى استىندا قازا بولعانداردىڭ ىشىندە - جەتى جاسار قىز دا بار. ەل-مانسۋرا كايردەن سولتۇستىك-شىعىسقا قاراي 120 شاقىرىم جەردە ورنالاسقان.
ستاتيستيكالىق دەرەكتەرگە سايكەس مىسىردا تۇرعىندار ءۇشىن قاۋىپ تۋدىراتىن 2 ميلليونعا جۋىق ءۇي بار. مەملەكەتتىك قىزمەتتەر زاڭسىز سالىنعان قۇرىلىستاردى ءسۇرۋ تۋرالى 100 مىڭنان استام قاۋلى شىعاردى. الايدا ولاردىڭ باسىم بولىگى ورىندالعان جوق.
