بۇگىن قازاقستاننىڭ 9 وبلىسىندا داۋىل تۇرىپ، بۇرشاق جاۋادى
استانا. قازاقپارات - «قازگيدرومەت» ر م ك 4- تامىزعا ارنالعان اۋا رايى بولجامىن جاريالادى، دەپ حابارلايدى قازاقپارات.
اتموسفەرالىق اۋا اعىنىنىڭ وتۋىنە بايلانىستى قازاقستاننىڭ كەي جەرلەرىندە تۇراقسىز اۋا رايى ساقتالادى، جاڭبىر جاۋىپ، نايزاعاي بولادى، جەل كۇشەيەدى، بۇرشاق، داۋىل بولۋى مۇمكىن.
قازاقستاننىڭ باتىسىندا، وڭتۇستىك-باتىسپەن سولتۇستىك-باتىسىندا اۋا رايى جاۋىن-شاشىنسىز بولادى. سولتۇستىك قازاقستان وبلىسىندا جەلدىڭ كۇشى 15-20، ەكپىنى 23-28 م/س جەتەدى، كەي جەرلەردە بۇرشاق، داۋىل بولۋى ىقتيمال.
اقمولا، قوستاناي، پاۆلودار، قاراعاندى، وڭتۇستىك قازاقستان وبلىستارىنىڭ كەي جەرلەرىندە جەلدىڭ كۇشى 15-20 م/س جەتەدى، بۇرشاق جاۋىپ، داۋىل بولۋى ىقتيمال.
جامبىل وبلىسىنىڭ كەي جەرلەرىندە جەل 15-20, ەكپىنى 23-28 م/س كۇشەيىپ، بۇرشاق، داۋىل بولۋى ىقتيمال. الماتى وبلىسىنىڭ كەي جەرلەرىندە جەلدىڭ كۇشى 15-20, كۇندىز ەكپىنى 25 م/س كۇشەيۋى كۇتىلەدى، بۇرشاق جاۋىپ، داۋىل بولۋى ىقتيمال.
قىزىلوردا وبلىسىنىڭ كەي جەرلەرىندە جەلدىڭ كۇشى 15-20 م/س بولادى، تۇندە جانە تاڭەرتەڭ داۋىل بولۋى مۇمكىن.
كۇندىز شىعىس قازاقستان وبلىسىنىڭ كەي جەرلەرىندە جەلدىڭ كۇشى 15-20 م/س بولادى، داۋىل بولۋى ىقتيمال. كۇندىز اتىراۋ، باتىس قازاقستان وبلىستارىندا، اقتوبە، قاراعاندى شىعىس قازاقستان، ماڭعىستاۋ، الماتى وبلىستارىرىنىڭ كەي جەرلەرىندە قاتتى ىستىق كۇتىلەدى.
قىزىلوردا، وڭتۇستىك قازاقستان، جامبىل، الماتى وبلىستارىندا، اتىراۋ، باتىس قازاحستان، اقتوبە، قوستاناي، قاراعاندى وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
