ەكسپو كەزىندەگى مادەني شارالارعا 9 ميلليارد تەڭگە جۇمسالادى

استانا. قازاقپارات - ەكسپو-2017 حالىقارالىق كورمەسىنىڭ اياسىنداعى مادەني- سپورتتىق شارالاردى ويداعىداي وتكىزۋ ءۇشىن قازاقستان 9 ميلليارد تەڭگە جۇمساماق. بۇل تۋرالى بۇگىن مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى، دەپ حابارلايدى قازاقپارات.

 «مادەني- سپورتتىق شارالارعا 9 ميلليارد تەڭگە قاجەت. بۇل قارجىنىڭ 90 پايىزى قازاقستاندىق ۇجىمداردىڭ شارالارىنا ارنالعان. ياعني، قازاقستاننىڭ ونەر ۇجىمدارىنىڭ شىعىنىن ءبىز ءوز موينىمىزعا الدىق»، - دەيدى مينيستر.

 ونىڭ ايتۋىنشا، قارجىنىڭ 10 پايىزى شەتەلدىك ارتىستەر مەن ۇجىمداردىڭ كونسەرتتەرىن ۇيىمداستىرۋعا جۇمسالادى. ونىڭ ۇستىنە، بۇل قارجىنىڭ كوبىن دەمەۋشىلەر بولگەن. «مىسالى، «ەني» كومپانياسى لا سكالا تەاترىنىڭ كەلىپ، كەتۋ شىعىنىن ءوز موينىنا الادى»، - دەپ حابارلادى ارىستانبەك مۇحامەدي ۇلى.

اۆتور: كەنجەكەي توقتامۇرات قىزى