اۋعانستاندا اۋە شابۋىلى سالدارىنان 9 بەيبىت تۇرعىن وپات بولدى

استانا. قازاقپارات - اۋعانستاننىڭ باتىسىندا اۋە شابۋىلى سالدارىنان 9 بەيبىت تۇرعىن وپات بولىپ، تاعى 20 سى ءتۇرلى دارەجەدە جاراقات الدى

 ەڭ سوراقىسى، مارقۇمداردىڭ بارلىعى - بەيكۇنا بالالار، دەپ حابارلايدى «حابار 24».

ال جاپا شەككەندەر اراسىندا ايەلدەر بار. كوبىسىنىڭ ءحالى مۇشكىل. شابۋىلدى ناقتى كىمنىڭ ۇيىمداستىرعانى ازىرگە بەلگىسىز. نەگىزى، قايعىلى وقيعا بولعان فاراح پروۆينتسياسىندا «تاليبان» قوزعالىسىنا قارسى اسكەري وپەراتسيا ءجۇرىپ جاتقان.

سودىرلار كۇشتىك قۇرىلىم وكىلدەرىنەن قورعانۋ ءۇشىن بەيبىت تۇرعىنداردى قالقان رەتىندە پايدالانعان. ايتا كەتكەن ءجون، بۇعان دەيىن اۋعانستانداعى اۋىلداردىڭ ءبىرازىن باسىپ العان تالىپتەر سوڭعى ۋاقىتتا ءىرى قالالارعا دا اۋىز سالا باستادى. ونىڭ ۇستىنە ەلدە بۇكىل الەمگە قاۋىپ توندىرگەن «يراك پەن ليەۆانت لاڭكەستىك توبىنىڭ» ىقپالى كۇشەيگەن.