قوستانايدا 9-قاباتتان سەكىرمەك بولعان قىز قۇتقارىلدى
قوستاناي وبلىستىق ءى ءى د باسپا ءسوز حاتشىسى ەلەنا كاشارينا تۇسىندىرگەندەي، «بۇگىن تۇندە رۋدنىي قالالىق ءى ءى ب جەدەل باسقارۋ ورتالىعىنان اعا سەرجانت ازامات وسپانوۆ پەن كىشى سەرجانت باتىرجان ۇزاقباي وتباسىلىق جاڭجال تۋىنداعان كورچاگين كوشەسىندەگى ۇيلەردىڭ بىرىنە جىبەرىلدى. باسپالداق الاڭىندا پوليتسەيلەردى ايەل كۇتىپ الىپ، كورشىسى وتباسىلىق ۇرىستان كەيىن شاتىرعا كوتەرىلىپ كەتكەنىن حابارلاعان».
ءتارتىپ ساقشىلارى قىزدىڭ سوڭىنان بەتتەيدى. شاتىرعا ءبىرىنشى بولىپ كىشى سەرجانت باتىرجان ۇزاقباي شىعادى. ول قىزدى سەكىرمەۋگە كوندىرۋ ءۇشىن تىرىسىپ باعادى. قىز ونى تىڭداۋدان باس تارتادى. وسى كەزدە شاتىرعا ەكىنشى پوليتسەي ازامات وسپانوۆ كوتەرىلەدى. «ول ارىپتەسىمەن بىرگە قىزعا بىلدىرتپەي جاقىنداپ، ونى شاتىردىڭ شەتىنەن تۇسىرمەكشى بولادى، - دەيدى ە. كاشارينا. - پوليتسەيلەر بىرنەشە سەكۋندتىڭ ىشىندە ونى قاۋىپسىز جەرگە الىپ شىقتى». كەيىن انىقتالعانداي، قىز سۇيىكتىسىمەن جانجالداسىپ، سۋيتسيدكە بارماقشى بولعان. زارداپ شەگۋشىمەن پسيحولوگتار جۇمىس جاساۋدا.
