بيىل قازاقستان مەن قىتاي بىرلەسكەن 9 جوبانى جۇزەگە اسىرماق

استانا. قازاقپارات-  نۇرلى جول، جالپى قۇنى 1,7 ميلليارد دوللار ينۆەستيتسيانى قۇرايتىن جوبا «جىبەك جولى» باعدارلاماسىنىڭ العاشقى ناتيجەسى. «بۇل ەكى باعدارلامانىڭ ەلىمىز ءۇشىن بەرەرى مول»، - دەيدى ەكونوميستەر. تىپتەن كارى قۇرلىق پەن ازيا اراسىنداعى ساۋدا اينالىمىن ارتتىرۋ ماقساتىندا بانك قۇرىلعان.

قازىر قازاقستان مەن قىتاي اراسىنداعى جىلدىق ساۋدا- ساتتىق كولەمى 14 ميلليارد دوللار. بۇگىن الماتىدا باس قوسقان ەكى ەل كاسىپكەرلەرى بۇل كورسەتكىشتى 40 ميلليارد دوللارعا جەتكىزۋدى كوزدەپ وتىر. سونداي- اق تاراپتار ورتاق جوبالاردى جۇزەگە اسىرۋ جولدارىن تالقىلادى.

 چجۋانۋ ليۋ، بيزنەس- كونسالتينگتىك كومپانيا ديرەكتورى:

 - قىتاي ەلىنىڭ ۇكىمەتى مەن جەرگىلىكتى كاسىپكەرلەر قازاقستانعا ۇلكەن قىزىعۋشىلىق تانىتىپ وتىر. سونىمەن قاتار، سىزدەردىڭ دە ەلدەرىڭىز ينۆەستيتسيا سالۋعا مۇمكىندىك زور. سوندىقتان، ەكى ەلگە پايدالى سالالاردى قارجىلاندىرعان دۇرىس دەپ ەسەپتەيمىن.

 باسقوسۋدا ەكونوميستەر مەن كاسىپكەرلەر قازاقستاننىڭ گەوگرافيالىق جاعدايىن ۇتىمدى پايدالانۋى كەرەكتىگىن ايتتى. «جىبەك جولى» باعدارلاماسى ارقىلى شىعىس پەن باتىستى بايلانىستىرىپ، «نۇرلى جول» باعدارلاماسى اياسىندا اۋقىمدى ينۆەستيتسيالىق جوبالاردى ىسكە اسىرۋعا بولادى. سونىڭ ءبىر دالەلى جالپى قۇنى 1,7 ميلليارد دوللاردى قۇرايتىن 9 جوبانى جۇزەگە اسىرۋ جوسپارلانىپ وتىر.

ۆيلمۋر اۋكەن، ەكونوميكا عىلىمدارىنىڭ دوكتورى:

 - «نۇرلى جول» مەن «جىبەك جولى» باعدارلاماسىنىڭ نەگىزگى باعىتتارى ۇقساس. باستى ماقساتى -  ەكى مەملەكەت اراسىنداعى تاۋار اينالىمىن ارتتىرۋ. سونىمەن قاتار، زاماناۋي ينۆەستيتسيالىق جوبالاردى قولداۋ.

كاسىپكەرلەردىڭ ايتۋىنشا، قازاقستان ەكونوميكاسىن وركەندەتۋ ءۇشىن ەڭ الدىمەن اۋىل شارۋاشىلىعىن، شاعىن جانە ورتا كاسىپتى دامىتىپ، قازبا بايلىقتاردان دايىن ءونىم الاتىن زاۋىتتار سانىن كوبەيتۋ. ءسويتىپ ەكولوگيالىق تازا ونىمدەرىمىزدى كورشىلەرىمىزدىڭ نارىعىنا شىعارىپ، پايدا اكەلۋگە مۇمكىندىك بار. ال، ءوندىرىس ورىندارىن سالۋ ءۇشىن ينۆەستيتسيا تارتۋعا ەلىمىزدە قولايلى جاعداي جاسالعان.

 اۆتورلارى: ارشىن كەمەلجان، ابەن نارىنبايەۆ

www.24.kz