شاحاندا قازا تاپقانداردىڭ وتباسىلارىنا 9 ميلليون تەڭگە تولەيدى

«بۇگىن شاحاندا ت ج سالدارىنان زارداپ شەككەندەرگە كومەك كورسەتۋ قورىنىڭ قامقورشىلار كەڭەسىنىڭ العاشقى وتىرىسى ءوتتى. كەنت قوعامداستىعى وكىلدەرىنەن قۇرالعان كەڭەستىڭ مۇشەلەرى قازا تاپقانداردىڭ وتباسىلارىنا جەرلەۋ ءراسىمى ءۇشىن 9 ميلليون تەڭگە تولەۋ تۋرالى شەشىم قابىلدادى»، - دەپ ايتىلادى حابارلامادا.
ارى قاراي قوردىڭ قارجىسى وتەماقى تولەۋ جانە تۇرعىن ءۇي الىپ بەرۋگە باعىتتالادى دەپ جوسپارلانۋدا. قازىرگى تاڭدا قوردىڭ شوتىندا 42 ميلليون تەڭگە جينالعان، دەپ كورسەتىلگەن حابارلامادا.
باسقارمانىڭ اقپاراتىنا سۇيەنسەك، شاحانعا گۋمانيتارلىق كومەك رەتىندە 6 توننا ازىق- تۇلىك، تۇرمىستىق تاۋارلار، توسەك جابدىقتارى مەن كيىمدەر تۇسكەن.
وسىعان دەيىن حابارلانعانىنداي، باسپاناسىز قالعان شاحان تۇرعىندارىنا پاتەر قايىرىمدىلىق قورىنان الىپ بەرىلەدى. تۇرعىن ءۇيدىڭ 4- كىرەبەرىسىندەگى بارلىق 3 بولمەلى ۇيلەر قالپىنا كەلتىرۋگە جارامسىز. ساراپشىلار كوپ قاباتتىڭ ءۇيدىڭ قالعان ءۇش كىرەبەرىسىن جارامدى دەپ تاپتى. مودۋلدىك قازاندىق ىسكە قوسىلىپ، جىلۋ جۇيەسىمەن قامتاماسىز ەتىلدى.
بيلىكتىڭ مالىمدەۋىنشە، 1, 2 جانە 3 -كىرەبەرىستەردەگى 45 پاتەردىڭ تۇرعىندارى ءوز ۇيلەرىنە قايتىپ كەلدى. تۇرعىن ۇيدەگى جىلۋ، جارىق، سۋ جۇيەلەرى تولىقتاي قالپىنا كەلتىرىلدى. 4 -كىرەبەرىستىڭ وپىرىلعان جەرلەرى جوندەلۋدە.
ەسكە سالا كەتسەك، 1 -قاڭتار كۇنى 22 ساعات 40 مينۋتتار شاماسىندا قاراعاندى وبلىسىنىڭ توتەنشە جاعدايلار دەپارتامەنتىنە شاحان كەنتىندە كوپقاباتتى ءۇيدىڭ قۇلاعانى جونىندە ارنايى حابار كەلىپ تۇسكەن. وقيعا ورنىنان توتەنشە جاعدايلار قىزمەتىنىڭ كۇش قۇرىلىمدارى مەن ارنايى تەحنيكالارى جونەلتىلىپ، تۇرعىنداردى ەۆاكۋاتسيالاۋ جۇمىستارى جۇرگىزىلدى.
قيراعان ءۇيدىڭ ۇيىندىلەرىنەن 9 ادامنىڭ ءمايىتى تابىلدى. ولاردىڭ ۇشەۋى ەر ادام، ۇشەۋى ايەل ادام، تاعى ۇشەۋى بالالار. رەسمي ءتىزىمدى قاراعاندى وبلىسىنىڭ توتەنشە جاعدايلار قىزمەتى ۇسىندى.
قيراعان ۇيگە قاتىستى ماتەريال ق ر ق ك 292-بابى 3-بولىگى بويىنشا ءبىرىڭعاي سوت الدى تەرگەۋ تىزىلىمىنە تىركەلدى. قۇلاعان ءۇي 1987 -جىلى سالىنعان. اكىمدىكتىڭ اقپاراتىنا سايكەس ۇيدە 118 ادام تۇرعان. قۇلاعان كىرەبەرىستە 25 تۇرعىن بولعان.
قايىرىمدىلىق كورسەتەم دەۋشىلەر ءۇشىن قوردىڭ ەسەپ ءنومىرى:
«شاحتينسك قالاسىنداعى شاحان كەنتىندە بولعان توتەنشە جاعدايدان زارداپ شەككەندەرگە كومەك كورسەتۋ قورى» جەكە قايىرىمدىلىق قورى.
«سەسنا بانك» ا ق- نىڭ قاراعاندى قالالىق فيليالى
ب ي ن/ي ي ن: 170140001103
ەسەپ KZT KZ58998HTB0000352677
كود ك ب ە 18
بانك رەكۆيزيتتەرى ب ي ك TSESKZKA
مەكەنجاي: 100019، قاراعاندى قالاسى، چكالوۆ كوشەسى 7/4
بانك ب ي ن: 040541008233