تەمىرتاۋدا جازاسىن وتەۋشى ايەلگە 9 جاسار قىزىن تاۋىپ بەردى

استانا. قازاقپارات - ا ك-159/9 مەكەمەسىنىڭ (ايەلدەر كولونياسى، قاراعاندى وبلىسى كوكسۋن كەنتى) قىزمەتكەرلەرى جازاسىن وتەۋشىگە ءۇش جىل كورمەگەن توعىز جاستاعى قىزىن تاۋىپ بەرۋگە جاردەمدەستى، دەپ حابارلادى «قازاقپارات» ءتىلشىسى.

«تۇرمەگە قامالعان ادام كوبىنەسە وتباسىمەن بايلانىسىن جوعالتىپ الادى. كەي تۋىستارى مەن جاقىندارى، وكىنىشكە وراي، ولاردان باس تارتادى. ءبىزدىڭ مىندەتىمىز - وتباسىلىق بايلانىستى قالپىنا كەلتىرۋ»، - دەپ اتاپ ءوتتى ا ك-159/9 مەكەمەسىنىڭ تاربيە جۇمىستارى ءبولىمىنىڭ باستىعى نادەجدا سالفەتنيكوۆا.

«ەسىرتكى ءۇشىن 10 جىلعا سوتتالعان كريستينا مەكەمە اكىمشىلىگىنە كامەلەتتىك جاسقا تولماعان قىزىن ىزەۋ وتىنىشىمەن جۇگىندى. مەكەمە جاساق باستىعى سۆەتلانا باشكەنوۆا ونى پروبلەماسىن ءوزى قولىنا الىپ، قىزىن ىزدەپ، ونى «SOS تەمىرتاۋ ق. بالالار اۋىلىنان تاپتى. بىرنەشە كۇننەن كەيىن سۆەتلانا بالالار ءۇيى ديرەكسياسىمەن بىرلەسىپ، سوتتالۋشىنىڭ ءوز قىزىمەن كوپتەن كۇتكەن كەزدەسۋىن ۇيىمداستىردى. بۇگىندە باقىتتى انا تەلەفون ارقىلى قىزىنا حابارلاسىپ تۇرادى»، - دەپ قوستى ول.