موڭعولدار ا ق ش اسكەرىنەن 9 ەسە كۇشتى بولىپ شىقتى - فوتو، كەسكىن
بۇل تۋرالى ARD اقپارىنا سىلتەمە جاساعان ras.kz حابارلادى.
بۇعان دەيىن ا ق ش- تىڭ تەڭىز جاياۋ اسكەرلەرى دەنە كۇشى دايىندىعى جاعىنان ەشكىمدى الدىنا سالمايدى دەپ ەسەپتەلىپ كەلگەن بولاتىن. امەريكادا وسى جاعىن جەتىلدىرۋ ءۇشىن تەڭىز جاياۋ اسكەرلەرى كورپۋسىنىڭ جاۋىنگەرلەرىن شىنىقتىرۋدىڭ Marine Corps Martial Arts Program دەپ اتالاتىن ارنايى باعدارلاماسى دا بار.
الايدا، ءىس جۇزىندە موڭعولدىڭ قاتارداعى جاۋىنگەرلەرى ولاردان الدەقايدا كۇشتى دە ءتوزىمدى ەكەن. مۇنى بۇل ەلدىڭ اۋعانستاندا بىتىمگەرلىك ماقساتپەن قىزمەت ەتىپ جاتقان ساربازدارى كورسەتىپ بەردى. ولار ءتىپتى وسىنداعى باسقا ەلدەر كونتيگەنتىندەگى اسكەري قىزمەتكەرلەردىڭ بارىنەن الدەقايدا ارتىق ەكەندەرىن ايقىن تانىتتى.
ايتا كەتەيىك، اۋعانستاندا جىل سايىنعى كەزەكتى سايىس ءوتتى. وندا ءار ەلدىڭ ساربازدارى ەڭ الدىمەن وزدەرىنىڭ دەنە كۇشى دايىندىعى مەن توزىمدىلىكتەرىنىڭ دەڭگەيى جونىندە سىنعا ءتۇستى. ءار كوماندا ەكى سولداتتان قۇرالدى. وسىلايشا ءار كونتينگەنت 9 كوماندادان شىعاردى. جارىسقا قاتىسۋشىلار الدىمەن 5 شاقىرىمعا جۇگىرۋ، سوسىن تۋرنيككە 60 مارتە تارتىلۋ، ارتىنشا 230 رەت قولمەن جەردەن كوتەرىلۋ سىناقتارىن اتقاردى.
ناتيجەسىندە موڭعول اسكەرلەرى تاراپىنان جارىس جولىنا شىققان 9 كوماندا تۇگەل العاشقى وندىققا كىردى. ولار 8-ورىندى عانا ا ق ش- تىڭ جاياۋ تەڭىز اسكەرلەرى قۇرامىنان سايىسقا تۇسكەن دۋەتكە بەردى. ال قالعان كونتينگەنتتەردىڭ كوماندالارى ءتىپتى كومبەگە دە جەتە المادى.
وسىعان بايلانىستى امەريكالىق جاياۋ تەڭىز اسكەرلەرى ساربازدارىنىڭ ءبىرى «تۆيتتەرگە» : «موڭعولدار! سەندەر جاساي الدىڭدار! عالامات!» ، دەپ جازعان ەكەن.
