استىق ەكسپورتىن 9 ميلليون تونناعا جەتكىزۋگە الەۋەت جەتكىلىكتى

استانا. قازاقپارات - بيىل استىقتى ساتىپ الۋدا باعا ءدالىزى ءونىمنىڭ ساپاسىنا قاراي كوتەرىلدى.

بۇل تۋرالى بۇگىن ۇكىمەت وتىرىسىندا ق ر اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ ءمالىم ەتتى.

مينيسترلىك دەرەكتەرىنە قاراعاندا، جالپى العاندا استىقتىڭ جالپى جيىنى بۋنكەرلىك سالماقتا 22 ميلليون توننادان استام كولەمدە بولجانۋدا. الدىن الا مالىمەتتەرگە سايكەس، تازالانعاننان كەيىنگى جالپى ءتۇسىم 21 ميلليون توننا دەڭگەيىنە بولجانۋدا، بۇل ەلىمىزدىڭ ىشكى قاجەتتىگىن قامتاماسىز ەتۋگە جانە ەكسپورت الەۋەتىن 9 ميلليون تونناعا جەتكىزۋگە جەتكىلىكتى. شامامەن 1,7 ميلليون توننا ءداندى داقىلداردىڭ تۇقىمى دايىندالدى، بۇل قاجەتتىلىكتىڭ 81 پايىزىن قۇرايدى.

«قازىرگى ۋاقىتتا «ازىق- تۇلىك كەلىسىم-شارت كورپوراتسياسى» ۇ ك» ا ق استىق ساتىپ الۋ بويىنشا ءوز باعالارىن جاريالادى. كومپانيانىڭ استىق كوممەرتسيالىق رەسۋرستارىنا ساتىپ الىناتىن استىققا كەلەسى باعالار بەلگىلەندى: 3-سىنىپتى بيدايدىڭ تونناسىنا - 41000-دەن 50000 تەڭگەگە دەيىن، 4-سىنىپ - 34000-نان 36000 تەڭگەگە، 5-سىنىپتى ءبيدايعا - 30000 تەڭگە جانە 2-سىنىپتى ارپانىڭ تونناسىنا - 25000 تەڭگە. وسى رەتتە، بيىلعى ەگىن جيناۋ كەزەڭىندە كورپوراتسيا استىقتى ساتىپ الۋدا باعا ءدالىزىن ساپاسىنا قاراي كوتەرگەنىن اتاپ ءوتۋ كەرەك»، - دەدى ق. ايتۋعانوۆ.