11:10, 12 - قىركۇيەك 2016 | GMT +5
تۇركيادا قۇربان ايت مەيرامىن اتاپ ءوتۋ ءۇشىن 9 كۇن دەمالىس بەرىلدى
استانا. قازاقپارات - تۇركيادا قۇربان ايت مەيرامىن اتاپ ءوتۋ ءۇشىن 9 كۇن دەمالىس بەرىلدى، دەپ حابارلادى «حابار» تەلەارناسى.
قۇربان ايت قارساڭىندا ىستامبۇل اۆتوۆوكزالىندا قاربالاس جولاۋشى دا قالىڭ. سەبەبى بيلەتتەر كۇنى بۇرىن ساتىلىپ كەتكەن. مەرەكەگە ەرتە قامدانعاندار اۆتوبەكەتتە الاڭسىز وتىرسا، اياقاستى جولعا شىققاندار اۋرە- سارساڭ.
بيىل تۇركيادا ۇلىق مەيرامدى اتاپ ءوتۋ ءۇشىن 9 كۇن دەمالىس بەرىلدى. سوندىقتان حالىقتىڭ دەنى وسى قۇربان ايتتا تۋعان جەرلەرىنە، اۋىلداعى اعايىندارىنا قىدىرىپ بارماق. بۇل كۇندەرى ىستامبۇل قالاسىنىڭ ءبىر عانا ورتالىق اۆتوۆوكزالىنان 10 ميلليونداي جولاۋشى قاتىنايدى. وسى جاعدايعا بايلانىستى اكىمشىلىك اۆتوبۋس سانىن 8 جارىم مىڭعا دەيىن كوبەيتكەن.
