ايىپتاۋشى مۇحتار ءابىلازوۆتىڭ سىبايلاسىنا 9 جىل سۇراپ وتىر

«جازانى تۇبەگەيلى قوسقان كەزدە پوتكينگە جالپى رەجيمدەگى كولونياعا 9 جىلعا باس بوستاندىعىنان ايىرۋ جازاسىن تاعايىنداۋدى سۇرايمىن»، - دەپ حابارلادى پروكۋرور ماسكەۋدە مەشانسك سوتىندا.
سونىمەن قاتار، پروكۋرور بتا بانكتىڭ 4,9 ميلليارد تەڭگە سوماسى بويىنشا ازاماتتىق ارىزىن قاناعاتتاندىرۋدى سۇرادى. بۇل ءوتىنىشتى ب ت ا بانكتىڭ وكىلى دە قولدادى. بۇل ىستە باستى فيگۋرانت رەتىندە فرانسيادا قاماۋعا الىنعان بتا بانكتىڭ ەكس- باسشىسى مۇحتار ءابىلازوۆ جۇرۋدە.
ونى بتا بانك سالىمشىلارىنان ۇرلانعان قاراجاتىن زاڭداستىرۋ، سونىمەن قاتار قازاقستاندا بيلىكتى ىعىستىرۋ جولىندا ەكسترەميستىك ءىس- ارەكەتتەر ۇيىمداستىرۋ فاكتىسى بويىنشا ايىپ تاعىلۋدا.
ايىپتالۋشى ءوزىنىڭ كىناسىن مويىندامادى. پوتكين وزىنە قاتىستى قىلمىستىق ءىستى ساياسي سەبەپتەرمەن بايلانىستىرىپ وتىر.
پوتكين 2014 -جىلى 15 -قازاندا ب ت ا بانكتىڭ قاراجاتىن جىمقىرۋ ءىسى بويىنشا ۇستالعان بولاتىن. كەيىن وعان ۇرلانعان قاراجاتتى زاڭداستىرۋعا اتسالىستى دەگەن ايىپ تاعىلدى.