قاراعاندىدا وسىمەن ءۇشىنشى رەت ەرلىك جاساعان 9 جاسار قىز ماراپاتتالدى - فوتو
ت ج د باسپا ءسوز قىزمەتىنىڭ حابارلاۋىنشا، ناستيا 9 جاستا، ءبىراق ءوزىنىڭ جاس بولعانىنا قاراماستان، ۇلكەندەردىڭ كوبى جاساي المايتىن ارەكەتكە بارعان.
ءوز ءومىرىن تاۋەكەلگە تىگىپ، ناستيا سازعا باتقان 5 جاسار قىزعا كومەكتەسكەن. ۇلكەندەر 5 جاسار قىزدى ىزدەپ جۇرگەندە، ونى كەزدەيسوق كورىپ قالعان ناستيا پحەندا ءوزى جۇزە بىلمەسە دە قىز بالانى باتپاقتان شىعارىپ الادى. بارلىعى جاقسى اياقتالدى.
بۇل ناستيانىڭ بالانى ءبىرىنشى رەت قۇتقارىپ قالۋى ەمەس. بىلتىر جازدا ول - كىشكەنتاي قىزدى اعاشتان ءتۇسىرىپ الدى جانە 4 جاسار ۇل بالانى اۆتوكولىك باسىپ كەتۋىنەن ساقتاپ قالدى.
قاراعاندى وبلىسىنىڭ توتەنشە جاعدايلار دەپارتامەنتى ناستيانىڭ بۇل باتىل ءىس- ارەكەتىن نازاردان تىس قالدىرمادى. قىز بالاعا العىس حات پەن سىيلىق تابىستادى. ناستيانىڭ جۇرەگى كەڭ، باسقانى قۇتقارۋ ءۇشىن ءوز ءومىرىن تاۋەكەلگە تىگۋگە ءار ادام بارا بەرمەيدى.
«ءبىز بولاشاقتا ناستيانىڭ قۇتقارۋشى كاسىبىن تاڭدايتىنىنا ءۇمىتىمىز بار، سەبەبى قۇتقارۋشىنىڭ ەڭ باستى قوزعالتقىشى - باتىلدىق جانە وزگەگە كومەك كورسەتۋگە دايىن بولۋى، ال بۇل قاسيەتتەر باتىل قىزدىڭ بويىندا قازىردەن تابىلۋدا»، دەپ مالىمدەدى قۇتقارۋشىلار.
