چيليدە 9 عاسىر بۇرىن جەرلەنگەن مۋميالار تابىلدى

استانا. قازاقپارات - ءچيليدىڭ كوپياپو قالاسىنىڭ اۋماعىنان 900 جىل بۇرىن جاسالعان مۋميالار تابىلدى، دەپ حابارلادى 24.kz.

مايىتتەر ماتا جانە وسىمدىك تالشىقتارىمەن ورالعان ەكەن. مامانداردىڭ مالىمدەۋىنشە، وسى ءادىس مۋميالاردىڭ ۇزاق ۋاقىت جاقسى ساقتالۋىنا مۇمكىندىك بەرگەن.

عالىمدار ايەل 50-60, ال 2 بالا 3 نە 6 جاستا دەپ پايىمدايدى. سونىمەن بىرگە مولادان ءۇي جابدىقتارى، ويىنشىقتار مەن كۇيىكتاس ىدىستارى تابىلعان.

- مۋميالار سىرتقى ءتۇرى اياق كيىمگە ۇقسايتىن مولادا جاتقان. بۇل - كوپياپو ايماعىنا جانە ونىڭ مادەنيەتىنە ءتان كورىنىس. مۇنداي نىسانداردى بۇعان دەيىن كەزدەستىرگەن ەمەسپىز، - دەيدى اتاكاما ۋنيۆەرسيتەتى سوتسيولوگيا ينستيتۋتىنىڭ ديرەكتورى مارسەلا ۋريزا.