09:09, 08 - مامىر 2016 | GMT +5
كاناداداعى الاپات ورتتەن كەلگەن شىعىن 9 ميلليارد دوللاردان استى
استانا. قازاقپارات - كانادانىڭ البەرتا پروۆينسياسىنداعى ورمان ءورتى ءورشىپ بارادى.
ءتىلسىز جاۋ 100 مىڭ گەكتاردان استام اۋماقتى جالماعان.
ال بۇعان كورشى ورنالاسقان بريتاندىق كولۋمبيا پروۆينسياسىنىڭ مىڭداعان تۇرعىندارى ۇيلەرىن تاستاپ، قاۋىپسىز جەرلەرگە كوشۋدە.
وتكەن جەكسەنبىدە باستالعان الاپات ءورتتىڭ بەتى قايتار ەمەس. جالىننىڭ بەتىن قايتارۋعا توقتاۋسىز سوققان جەل بوگەت بولىپ وتىر. ماك- ميۋررەي قالاسىنداعى 88 مىڭ ادام ەۆاكۋاتسيالاندى(كوشىرىلدى). ساراپشىلاردىڭ ايتۋىنشا، الاپات ورتتەن كەلگەن شىعىن 9 ميلليارد دوللاردان اسىپ وتىر.
