ءدامى ءتىل ۇيىرەتىن جۇمىرتقانى قۋىرۋدىڭ 9 ءادىسى - فوتو

استانا. قازاقپارات - جۇمىرتقانىڭ ءوزى قۇرامىندا ادام اعزاسىنا قاجەتتى دارۋمەندەرگە تولى بۇرىننان قولدانىستا بار زات.

ونىڭ پايدالى تۇستارى مەن تاعامدىق تويىمدىلىعى ەتپەن پاراپار. ادامدار جۇمىرتقانى سوناۋ نەاندەرتال نەمەسە اۆسترالوپيتەك كەزىنەن تۇتىنا باستاعان.

 ادامدار ءتىپتى وت جاعۋدى مەڭگەرمەگەن كەزدە شيكى جۇمىرتقانى جەگەندى ۇناتقان. زاماناۋي اسحانالاردا جۇمىرتقانى ءدامى ءتىل ۇيىرەتىندەي ەتىپ ءپىسىرۋدىڭ بىرنەشە ءتۇرى بار. قازىرگى كەزدە كوپتەگەن ەلدەردىڭ ۇلتتىق ماقتانىشى سانالاتىن تاماقتاردىڭ قۇرامىندا جۇمىرتقا بارى انىق.

 بۇگىن ءبىز سىزدەرگە جۇمىرتقانى ءدامدى ەتىپ ازىرلەۋدىڭ بىرنەشە نۇسقاسىن ۇسىنامىز. ولاردىڭ قاتارىندا يزرايلدىك شاكشۋكادان نورۆەگيالىقتاردىڭ وملەتكە دەيىن بار.

 

شاكشۋكا

 شاكشۋكا- پاميدور شىرىنىمەن قۋىرىلعان جۇمىرتقا. وعان ءدامىن كۇشەيتۋ ءۇشىن اشى بۇرىش پەن پياز جانە دامدەۋىشتەر قوسىلادى. شاكشۋكا تەك قۋرىلعان جۇمىرتقا ەمەس، وعان سان ءتۇرلى قوسپالار قوسۋ ارقىلى مىڭ قۇبىلتۋعا بولاتىن تاماق. دەگەنمەن ءبىر زاڭدىلىق بار ونى ۇنەمى ساقتاپ وتىرۋ كەرەك. ول- جۇمىرتقانى قۋىرعان كەزدە قىزاناقتىڭ شىرىنى مەن بۇرىش قوسۋ.

 

فريتتاتا

 فريتتاتا- يتاليالىقتاردىڭ سىر قوسىلىپ جاسالاتىن وملەت. وعان تاعى كوكونىستەر مەن شۇجىق، ەت قوسۋعا بولادى. فريتتاتانى باسىندا وتتى ىدىستىڭ استىنان بەرەتىن پەشكە قۋىرىپ، سوڭىندا ىدىستىڭ استى مەن ۇستىنەن قىزۋ كەلەتىن پەشكە سالادى. نەاپوليتاندىق فريتتاتۋعا كوپ جاعدايدا ماكارون قوسىلادى. كرەستيانداردىڭ ءداستۇرلى فريتتاتاسىنا پياز بەن سىر مىندەتتى تۇردە قوسىلادى. فريتتاتانىڭ نەگىزگى ءتارتىبى ونىڭ قۇرامىنا سۋلى، شىرىندى ازىقتاردى قوسۋعا بولمايدى. بۇگىندە يتاليالىقتار فريتتاتانى ەكى ۇستاعىشى بار ارنايى جاسالعان تاباعا پىسىرەدى.

فريتتاتانى دايىنداۋ ءۇشىن پەشتىڭ قىزۋىن ايتارلىقتاي باسۋ قاجەت. تابانى مايلاپ ابدەن ارالاستىرىلعان جۇمىرتقانى قۇيامىز. جۇمىرتقانىڭ استى پىسۋگە جاقىنداعان تۇستا وتتى ازايتىپ، ىدىستىڭ قاقپاعىن جابامىز. وسىنداي كۇيدە نەمەسە تابانى وتى ىدىستىڭ استى مەن ۇستىنەن بىردەي كەلەتىن پەشكە سالۋعا بولادى.

 

پاشوت

پاشوت- فرانسۋزدىق ءداستۇرلى تاعامداردىڭ ءبىرى. ول «پاشوت» ادىسىمەن دايىندالادى. وندا ىستىق سۋعا جۇمىرتقانى جارىپ سالۋ كەرەك. وسى ءادىس بويىنشا جۇمىرتقا جۇمساق ءارى سۇيىق بولىپ پىسەدى. ەڭ باستى ەرەجە جۇمىرتقانى سول جەردە جارامىز. ءارى سۋ قاتتى قايناماعان بولۋى كەرەك. پاشوت داستارحانعا توستەردەن شىققان ناننىڭ بەتىنە قۋىرىلعان قىزاناق نەمەسە شۇجىقتىڭ بەتىنە ۇگىتىلگەن سىر وسىدان كەيىن سۋدا قايناعان جۇمىرتقانى قويىپ بەرىلەدى.

 

ورسيني

ورسيني - ەرەكشە ەڭبەكتى تالاپ ەتەتىن ءدام. جۇمىرتقانىڭ سارىسى مەن اعان ەكىگە ءبولىپ الامىز، قاۋىزىن تەڭ جارتىسىنان بولەمىز. جۇمىرتقانىڭ اعىن كوپىرشىتىپ ارالاستىرىپ الىپ، پەشتە پىسىرەمىز. قاتقان كەزدە ۇستىنە سارىسى مەن سارى مايدى سالامىز. ورسيني- يتالياندىق اسحانادا ەڭ تانىمالى جەڭىل تاماق. ول تۇتىنۋشىعا ىرىمشىك پەن كوكونىستەر قوسىلىپ بەرىلەدى.

 

كوكوت

 كوكوت جۇمىرتقاسى ادام باسىنا ءبولىنىپ ارنايى ىدىستا پىسىرىلەدى. وعان ەت، شۇجىق، كوكونىستەر مەن ساڭىراۋقۇلاق قوسۋعا بولادى. الدىمەن ىدىسقا قوسپالار سالىنىپ ونىڭ ۇستىنە جۇمىرتقانى جارىپ سالامىز. وسىدان كەيىن ىدىستى ارنايى پەشكە سالىپ نەمەسە بۋعا پىسىرەدى.

 

نورۆەگيالىقتارشا وملەت

 نورۆەگيالىقتار تۇتىنانتىن وملەتكە نەگىزىنەنەن تۇزدالعان بالىق پەن پياز ارالاستىرىلا قۋرىلعان جۇمىرتقا قوسىلادى. بۇل تاماقتىڭ تانىمالدىعى سونشالىق جەرگىلىكتى حالىقتىڭ تاڭعى اسى تۇزدالعان بالىقسىز بولمايدى.

 

تورتيليا

تورتيليا دە پاتاتا- يسپاندىقتاردىڭ تۇتىناتىن وملەتى. وعان كارتوپ قوسىلادى. يسپاندىقتاردىڭ بۇل تاعامىنىڭ وزىندىك ەرەكشە تاريحى بار. ونىڭ ءوزىنىڭ بىرنەشە نۇسقادا. ءبىر اڭىزدا بۇل تاماقتى گەنەرال توماس سۋمالاكاررەگي ويلاپ تاپتى دەلىنگەن. ونداعى ماقسات قيىن جىلدارى اسكەريلەرگە تويىمدى تاماق ۇسىنۋ بولىپتى.

تاعى ءبىر اڭگىمەدە بۇل استى وسى گەنەرال ءبىر كۇن تۇنەپ شىققان ءۇيدىڭ ايەلى دايىنداعان. كەلىنشەكتىڭ ۇيىندە جۇمىرتقا جانە پياز بەن كارتوپ عانا بولعان. سودان نە ىستەرىن بىلمەستەن بارلىعىن ارالاستىرىپ گەنەرالعا ءپىسىرىپ بەرگەن. ول وسىدان كەيىن بۇل تاماقتى ءپىسىرۋ ءتاسىلىن اسكەر اسحاناسىنداعىلارعا بەرگەن دەسەدى.

 

Huevos rancheros ۋەۆوس رانچەروس دەپ اتالادى. اۋدارماسىندا جۇمىرتقانى اۋىلدىقتارشا قۋىرۋ دەگەن ماعىنانى بەرەدى. بۇل اسقا اشى قىزىل بۇرىش، بۇرشاق، اشى چيلي شىرىنى قوسىلىپ ازىرلەنەدى.

 

تاماگوياكي

 جاپوندىقتاردىڭ وملەتى- بۇل تاعام كۇن شىعىس ەلىنىڭ ماقتانىشىنا اينالعان ۇلتتىق اسى. وندا تاۋىق جۇمىرتقاسىن ابدەن كوپىرشىتىپ الىپ ونى قانت، سويا سوۋسى، تۇز، دامدەۋىشتەر قوسىلعان سورپامەن ارالاستىرادى. سۇيىقتىقتى تاباعا ەكى جاعىن كەزەكپەن ءپىسىرىپ الادى. بۇل وملەتتەن كوپ جاعدايدا ىشىنە ءتۇرلى قوسپالار قوسىپ روللى دايىنداۋعا بولادى.

 

 Stan.kz