قازاقستان حالقى اسسامبلەياسى ق ر پارلامەنتى ءماجىلىسىنىڭ 9 دەپۋتاتىن سايلادى

استانا. قازاقپارات - «ق ر سايلاۋ تۋرالى» ق ر كونستيتۋتسيالىق زاڭىنىڭ 93-1-بابىنا سايكەس، اسسامبلەيا مۇشەلەرى ق ح ا سايلايتىن ق ر پارلامەنتى ءماجىلىسىنىڭ دەپۋتاتتىعىنا ق ح ا كەڭەسى ۇسىنعان كانديداتتار ءۇشىن داۋىس بەرۋدى اياقتادى.

«سايلاۋشىلاردىڭ جالپى سانى - 446 ادام. سايلاۋ بيۋللەتەندەرىن العان سايلاۋشىلاردىڭ سانى - 372. داۋىس بەرۋگە 372 سايلاۋشى قاتىستى. ۇمىتكەرلەرگە بەرىلگەن داۋىستاردىڭ سانى كەلەسىدەي: ءابدراحمانوۆ ساۋىتبەك ءابدراحمان ۇلى - 345، بوجكو ۆلاديمير كارپوۆيچ - 349، جۇمادىلدايەۆا ناتاليا ۆاسيلەۆنا - 343، كيم رومان ۋحەنوۆيچ - 346، ميكاەليان نارينە گاملەتوۆنا - 336، مۋرادوۆ احمەد سەيداراحمانوۆيچ - 339، نۋرۋموۆ شايماردان ۋساينوۆيچ - 337، تيموشەنكو يۋريي ەۆگەنيەۆيچ - 341، حاحازوۆ شاكير حۋساينوۆيچ - 342»، - دەلىنگەن استانا قالالىق سايلاۋ كوميسسياسىنىڭ حاتتاماسىندا.

«ق ر سايلاۋ تۋرالى» ق ر كونستيتۋتسيالىق زاڭىنىڭ 94-1 - بابىنا سايكەس، ق ح ا سايلايتىن ق ر پارلامەنتى ءماجىلىسىنىڭ دەپۋتاتتارىن سايلاۋ ناتيجەلەرى ق ر ورتالىق سايلاۋ كوميسسياسىنا جولدانادى. ق ر پارلامەنتى ءماجىلىسىنىڭ دەپۋتاتتىعىنا سايلانعان ۇمىتكەرلەردىڭ ءتىزىمىن ورتالىق سايلاۋ كوميسسياسى 27 -ناۋرىزعا دەيىن جاريالاۋى ءتيىس.

«الدىن الا ناتيجەلەر جاريالاندى. نەگىزگى قورىتىندىسىن ق ر ورتالىق سايلاۋ كوميسسياسى شىعارادى. بۇگىن ەلباسى نۇرسۇلتان نازاربايەۆ استانادا ق ح ا سايلايتىن ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىندا داۋىس بەردى»، - دەپ اتاپ ءوتتى قازاقستان حالقى اسسامبلەياسى ءتوراعاسىنىڭ ورىنباسارى ەرالى توعجانوۆ.

ايتا كەتەيىك، ق ر پارلامەنتى ماجىلىسىندە 107 دەپۋتات بار، ونىڭ 98 ى پارتيالىق ءتىزىم بويىنشا، 9 ى قازاقستان حالقى اسسامبلەياسى اتىنان سايلانادى.

ەسكە سالا كەتەيىك، 2 -ناۋرىز كۇنى ق ح ا اتىنان 9 ۇمىتكەر: ابدراحمانوۆ ساۋىتبەك ابدراحمان ۇلى، بوجكو ۆلاديمير كارپوۆيچ، جۇمادىلدايەۆا ناتاليا ۆاسيليەۆنا، كيم رومان ۋحەنوۆيچ، ميكاەليان نارينە گاملەتوۆنا، مۋرادوۆ احمەد سەيداراحمانوۆيچ، نۋرۋموۆ شايماردان ۋساينوۆيچ، تيموشەنكو يۋريي ەۆگەنيەۆيچ، حاحازوۆ شاكير حۋساينوۆيچ تىركەلگەن بولاتىن.


    
اۆتور: جاسۇلان جولدىبايەۆ