اقمولا وبلىسىندا 9 جاسار بالا تۇنىمەن قۇدىقتا وتىرىپ، سىرتتان كومەك كۇتكەن
بۇل تۋرالى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى دەرەگىنە سىلتەمە جاساعان egemen.kz حابارلادى.
وبلىستىڭ استراحان اۋدانىنىڭ ورتالىعى - استراحانكا اۋىلىندا كوشە بويىمەن ويناپ كەلە جاتقان بالا كەنەت اياعى تايىپ كەتىپ، جولدىڭ جيەگىندەگى قۇبىر قۇدىعىنا قۇلايدى. وقيعا 5- اقپان كۇنى كەشكە ورىن العان.
ءبىرازدان كەيىن مەكتەپتەن قايتقان وقۋشى بالانىڭ ۇيىنە جەتپەگەنى بەلگىلى بولعاسىن ونى جاپپاي ىزدەۋ باستالادى. وعان «ءورت ءسوندىرۋشى جانە اپاتتان قۇتقارۋ جۇمىستارى» مەملەكەتتىك باسقارماسىنىڭ 10 قىزمەتكەرى مەن 2 تەحنيكا بىرلىگى، جەرگىلىكتى اتقارۋ ورگاندارىنىڭ 6 قىزمەتكەرى، جەرگىلىكتى 26 تۇرعىن جۇمىلدىرىلدى.
بالا 6- اقپان كۇنى تاڭەرتەڭ قۇدىقتان تابىلدى. ونىڭ جاعدايدى ءبىرقالىپتى دەپ باعالاندى.
اتالمىش فاكت بويىنشا تەكسەرۋ جۇمىستارى جۇرگىزىلەدى.
