دارىگەرلەر 9 جاسار بالانىڭ كەۋدەسىنەن ەسىك تۇتقاسىن وتا جاساپ الىپ شىقتى
تەرگەۋ اقپاراتىنشا، بالا مەكتەپتە سىنىپتاستارىمەن ويناپ جۇرگەندە ەسىكتىڭ تەمىر تۇتقاسىنا سوعىلعان، ال ونىڭ ءبىر بولشەگى بالانىڭ كەۋدەسىندە قالىپ قويعان.
بالا اۋرۋحاناعا جەتكىزىلىپ، رەنتگەن جاسالعان سوڭ ونىڭ كەۋدەسىندە ۇزىندىعى 10 سانتيمەتر، ەنى 2 سانتيمەتر بولاتىن ەسىك تۇتقاسىنىڭ ءبىر بولىگى قالىپ قويعانى انىقتالدى.
تۇتقا جۇرەك پەن وكپەگە تيمەگەندىكتەن، دارىگەرلەر بالانىڭ ءومىرىن قۇتقارىپ قالدى، دەپ حابارلايدى informing.ru.
اتاپ وتەيىك، قازىر بالا وتا جاسالعاننان كەيىنگى كەزەڭدە ەمدەلىپ جاتىر. ونىڭ جاعدايىن اق حالاتتىلار «قاناعاتتانارلىق» دەپ باعالادى.
