كەدەيلىككە الىپ كەلەتىن 9 ادەت
كەدەي بولاتىن ادامدار وزدەرىنە ۇنەمى اياۋشىلىقپەن قارايدى. «مەنىڭ پەشەنەمدە باي بولۋ جازىلماعان، تاعدىر تىم قاتال» دەۋمەن وزدەرىن وزدەرى الداپ جۇرەدى.
ارينە، جەكە تۇلعا رەتىندە قالىپتاسىپ، ءوزىڭىزدىڭ ءىس- ارەكەتىڭىزگە رۋحاني- ادامگەرشىلىك تۇرعىسىنان باعا بەرىپ، كوپ كۇش جۇمساعانشا، ءوزىڭىزدى اياۋ - تاماشا ءادىس. اسىرەسە، كەدەي بولۋعا ۇمتىلساڭىز.
2. ساراڭدىق
«جەڭىلدىگى» بار عانا تاۋاردى ىزدەۋ، «جاپپاي ساتىلىمداردان» قالت قالماۋ، ءوز بالاسىنىڭ ساپالى ءبىلىم الۋىنا اقشا اياۋ، جەكە فيرماسىنىڭ قىزمەتكەرلەرىنە نەعۇرلىم كىشكەنتاي سوماعا كوبىرەك جۇمىس جاساتۋ - كەدەيلىك جولىنداعى ەكىنشى ادەت.
ال باي بولاتىن ادام ءار زاتتىڭ ءتيىسىلى قۇنىن تولەيدى جانە ءوزىنىڭ كومەكشىلەرىنىڭ ەڭبەگىن لايىم جوعارى باعالايدى.
3. ۇناتپايتىن ىسپەن شۇعىلدانۋ
ماماندىقتى دۇرىس تاڭداي بىلگەن ادام ءوز ءىسىنىڭ شەبەرى بولا الادى. ارينە تاپجىلماي ەڭبەكتەنسە. ال ەگەر ءسىز وزىڭىزگە ۇنامايتىن جۇمىسپەن اينالىسىپ جۇرسەڭىز؟ وندا ءسىزدىڭ ەڭبەك جولىڭىزدا كەدەرگىلەر كەزدەسە بەرمەك، سەبەبى ءسىز ءۇشىن جۇمىس جاي كۇنەلتۋ، اقشا تابۋ. ءسىز جۇمىسىڭىزدان رۋحاني كۇش الا الماساڭىز، وندا كەدەيلىكتىڭ تاعى ءبىر ادەتى بويىڭىزدا بار دەپ ءبىلىڭىز.
4. جۇمىس جەمىسىن تەك اقشامەن ولشەۋ
قولىنا اقشا تۇسسە عانا قاباعى اشىلىپ، باقىت قۇشاعىندا جۇرەتىن ادامدار - ناعىز كەدەيلەر. تابىستى ادام ءوز باقىتىن باسقا قۇندىلىقتارمەن ولشەيدى. كىم قانداي قۇندىلىقتى تاڭدايدى - اركىمنىڭ ءوز ەركى.
5. اقشانى بوسقا شاشۋ
بانككە كرەديت الۋعا بارساڭىز، كۇلىمدەپ تۇرعان بانك قىزمەتكەرلەرى ءسىزدى قارىزعا باتىرۋ ءۇشىن بارلىق مۇمكىندىكتى وپ- وڭاي جاساپ بەرە الادى. ءبىراق تابىستى ادام كاسىبىن كەڭەيتۋ مەن ماقساتسىز شىعىن اراسىن اجىراتا الادى.
6. ءاپ- ساتتە پايدا كورۋ
ءاپ- ساتتە بىردەن مولىنان پايدا كورىپ قالۋ - تەك قانا كەدەيلەرگە ءتان قاسيەت. كەدەي بولاتىن ادام الپاۋىت كومپانيالارعا جۇمىسقا ورنالاسقان كەزدە، بىرنەشە جىلدان كەيىن قول جەتكىزەتىن مۇمكىندىكتەرىنەن گورى ءبىر ايدان كەيىن الاتىن ايلىعى تۋرالى كوبىرەك ويلانادى.
7. شاعىمدانۋ
زامان قيىنداپ بارادى. ادامدار بۇزىلدى. قايدا بارساڭ دا جەمقورلىق، تانىسىڭ بولماسا، جۇمىس تابا المايسىڭ - بۇنىڭ بارلىعى تابىستى بولۋدى كوزدەيتىن ادامنىڭ اۋزىنان شىعاتىن ءسوز ەمەس. ال، كەرىسىنشە، ساتسىزدىكتى سەرىك ەتكەن بەيباق بۇل پىكىرمەن بىردەن كەلىسەدى. دەي تۇرا، اتالمىش ادەتكە داۋا بار ما؟ يا، ول - كرەاتيۆتىلىك.
قورشاعان ورتانىڭ كەلەڭسىزدىكتەرىمەن كۇرەسۋدىڭ كرەاتيۆتى، جاڭا جولدارىن ىزدەستىرۋدەن جالىقپاڭىز. كەز كەلگەن جاعدايدان بارىنشا جەڭىمپاز بولىپ شىعۋعا تىرىسىڭىز.
8. ءوزىن باسقالارمەن سالىستىرۋ
سەرىك ءوزىن باسقالاردان مىقىتىمىن دەپ ويلايدى، سەبەبى ول مەكتەپتى التىن بەلگىگە ءبىتىرىپ شىققان جالعىز تۇلەك. بەرىك ءوزىن باسقالاردان كەم سانايدى، سەبەبى ول جازعى دەمالىستا جۇمىسقا ورنالسا المادى. ال ايجان ءوزىنىڭ قۇربىسىنا جىنى كەلەدى، سەبەبى ونىڭ قۇربىسىن ۇناتاتىن جىگىتتەر كوبەيىپ بارادى. وسىلاردىڭ بارلىعى - كەدەي بولاتىن ادامداردىڭ سەگىزىنشى ادەتى.
رۋحاني جان الەمىڭىزگە سىرتقى ورتانىڭ بيلىك قۇرعانىنان اباي بولىڭىز!
9. بايلىقتى اقشامەن تەڭەستىرۋ
شىنايى باي ادامدار باقىت پەن اقشانىڭ اراسىنا تەڭدىك قويمايدى. ناعىز بايلىق - ەسەبىندەگى ميلليوندار مەن ميللياردتار ەمەس. باي ادام ءۇشىن - ناعىز بايلىق ونىڭ ومىرلىك پوزيتسياسى، جاڭا كاسىپ كوزدەرىن اشۋ، جاڭا جوبالار ارقىلى ءوزىنىڭ مۇمكىندىگىن تاعى ءبىر سىنعا سالىپ، سول سىننان سۇرىنبەي ءوتۋ.
jas.kz
