پاراقور اۋىل اكىمىنىڭ مۇلكى تاركىلەنىپ، 9 ميلليون تەڭگە ايىپپۇل تولەيدى

مۇلكى تاركىلەنىپ، ءومىر بويىنا مەملەكەتتىك قىزمەتتىڭ ماڭىنا دا جولاي المايتىن بولدى. ورداباسى اۋدانىنىڭ سوتى 150 مىڭ تەڭگە كولەمىندە پارا الىپ جاتقان جەرىندە قولعا تۇسكەن شۇبارسۋ اۋىلدىق وكرۋگىنىڭ اكىمىن قازاقستان رەسپۋبليكاسى قىلمىستىق كودەكسىنىڭ 366-بابى 2-تارماعى بويىنشا كىنالى دەپ تاۋىپ، وسىنداي ۇكىم شىعارعان.

بۇل وڭىردە سىبايلاستىق ارەكەتى اشكەرە بولعان لاۋازىمدى تۇلعاعا قولدانىپ وتىرعان 2015 -جىلعى 1 -قاڭتاردان باستاپ كۇشىنە ەنگەن قازاقستان رەسپۋبليكاسىنىڭ قىلمىستىق كودەكسىنىڭ ايىپپۇل تۇرىندەگى العاشقى جازا بولىپ تابىلادى، دەپ حابارلادى ورداباسى اۋدانىنىڭ پروكۋرورى نۇركەن قوسبايەۆ.

اتالمىش اۋىلدىق وكرۋگ اكىمىن وڭتۇستىك قازاقستان وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ قىزمەتكەرلەرى جەردى جەكەنىڭ مەنشىگىنە بەرۋ ءۇشىن پارا الىپ جاتقان جەرىندە قۇرىقتاعان بولاتىن.

www.24.kz