جۇكتى ايەلىن 9 اي بويى سۋرەتكە تۇسىرگەن جىگىتتىڭ ۆيدەوسى كوپشىلىكتىڭ جۇرەگىن جاۋلادى
بىرەۋ ءۇشىن 9 اي - 270 كۇن، ال بىرەۋ ءۇشىن - بار بولعانى - 90 سەكۋند، - دەپ جازادى sviter.co.
دەۆيد ەسىمدى جىگىت ايەلىنىڭ جۇكتى ەكەنىن ەستىگەن ساتتە بۇل پروتسەسستى كامەراعا ءتۇسىرىپ وتىرۋدى ۇسىنىپتى. تەك ءوسىپ كەلە جاتقان قارىندى عانا ەمەس، ءومىردىڭ كۇندەلىكتى قانداي وزگەرىسكە ۇشىراعانىنا تالداۋ جاساۋ ءۇشىن ول كۇندەلىكتى ءبىر ءتۇسىرىلىم جاساۋدى ۇيعارعان.
«وسىلايشا 270 كۇن بويى جۇكتى ايەلىن سۋرەتكە تۇسىرگەن دەۆيد ايەلىنىڭ قارىنى قالاي وسكەنىن باقىلاپ وتىردى. ەندى بۇل جۇپ تۇڭعىش بالالارىن قانشالىقتى جانە قالاي كۇتكەندەرى تۋرالى ەستەلىكتى ءاردايىم كورىپ، ەستەرىنە الاتىن بولدى. سونىمەن قاتار، ولار سابيلەرى ەر جەتكەندە وعان ۆيدەونى كورسەتىپ، ونى قانشالىقتى قاتتى كۇتكەندەرىن وسىلايشا جەتكىزبەكشى»، - دەلىنگەن جاريالانىمدا.
ايتا كەتەيىك، بۇل ۆيدەو جاريالانعاننان كەيىن بىرنەشە كۇننىڭ ىشىندە ونى 1 ميلليون 200 مىڭعا جۋىق ادام تاماشالاعان، جۇزدەگەن قولدانۋشى پىكىر قالدىرىپ، مىڭداعان ادام «ۇنايدى» بەلگىسىن باسىپتى.