15:38, 20 - مامىر 2015 | GMT +5
قىتايدا 9 قاباتتى تۇرعىن ءۇي وپىرىلىپ ءتۇستى
استانا. قازاقپارات - قىتايدىڭ وڭتۇستىك-باتىسىندا ، گۋيان ەلدى مەكەنىندە لاي كوشكىنى سالدارىنان 9 قاباتتى تۇرعىن ءۇي وپىرىلىپ ءتۇستى، دەپ حابارلايدى BNews.kz.
تابيعي اپات سالدارىنان كەم دەگەندە بەس ادام ءۇيىندى استىندا قالدى. بۇل تۋرالى قالالىق ۇكىمەت اقپار تاراتىپ وتىر.
وقيعا ورنىندا قۇلاعان عيماراتتىڭ استىندا قالعان تۇرعىنداردى قۇتقارۋ جۇمىستارى جۇرگىزىلۋدە.
حابارلامادا ايتىلعانداي، تولاسسىز جاۋعان جاۋىن سوڭى قايعىلى وقيعاعا ۇلاسقان. قازىر سول ماڭداعى حالىق قاۋىپسىز جەرگە كوشىرىلدى.
وقيعانىڭ ءمان-جايى انىقتالۋدا.
